敏感？

星期日去完海星灣，我地直落BBQ，因為恐龍仔嗰兩日咳，都擔心係咪唔去得！但出去之前，佢又好似OK，同恐龍爸講好，去完睇海星，如果情況不妙，就早走啦~

咁...

玩完海星，佢又好似仲得喎，我地繼續...

一齊都仲OK，只係~ 恐龍仔開始有d攰，泥涌好多蚊呀~ 我地叫咗恐龍仔坐近火爐。突然，有隻毛蟲走咗上恐龍仔條褲上面，嚇餐佢，恐龍仔大打一拍~

之後，如常發呆，無乜點食嘢，再同小朋友玩咗一陣，我地就返屋企喇！實在太多蚊，恐龍仔已經咬到成腳都係！

牛牛呢？無事！

返到屋企仲涼，都未發覺有乜唔對路，直至半夜，隻恐龍咳醒+懶咗尿 (醜c鬼！)，幫佢換床單之後，佢不停R，睇真d，先知大髀好多小粒粒！佢仲有R頸！

3點幾，佢再無再瞓過，可憐嘅恐龍媽抱咗牛牛幾個鐘，對手太痛，成晚都瞓唔到，到4點無咁痛，加上俾恐龍仔趕走，先瞓到兩個鐘...

一早~ 發現恐龍仔條頸腫哂！右手同右腳好多粒粒，左邊唔多，身無！

見佢咁慘，忍到醫生開門，我地去睇醫生，醫生話佢應該係敏感喎~

我地估係嗰隻毛蟲啦~

可憐豬，靠食住d西藥先瞓到！

今朝見佢... 大達咗！下巴都腫埋！生到手掌手背都有！！！

媽媽好心痛呀！