忙~忙~忙~

點解呢排無乜update?

因為實在太忙！又無乜特別事發生，就算有~ 轉吓眼就唔記得咗！

恐龍家終於揾到短租屋，仲要係新屋附近！太開心喇！恐龍爸忙買賣樓，租屋就到恐龍媽去煩，聽咗兩三日經紀不停來電，終於俾個經紀揾到個唔至在嘅業主，佢不但肯7月中先起租，仲有兩個星期嘅免租期！仲會幫我都做埋窗簾軌同埋燈飾！咩人嚟架？咪就係大陸人囉！如果係香港人，一嚟唔會咁快肯同你簽短租，二嚟怕d細路整花佢間屋！但呢個業主真係乜都無問！真係唔該哂！

當然，仲要唔該個好幫得手嘅經紀啦！約好哂時間，臨門都有個經紀走出嚟搶單，我都本身offer俾埋業主佣金，點知隔離offer半佣！嗰度都唔少錢架！最後，原本個經紀自動改半佣，咁我地當然俾番佢做啦！雖然見佢有d唔開心，最多遲d請佢飲茶啦！

暫時，所有嘢都好順利，恐龍媽努力計劃點搬，搬乜，點放d什物傢俬，有乜要買…

希望跟住落嚟繼續順順利利啦！