父親節大餐~ 預備編

恐龍仔成日叫媽咪煮大餐，成日話要一家人一齊响屋企食飯！

於是，媽咪就建議，不如父親節，煮爸爸鍾意食嘅嘢啦！

呢d就係我地今日買嘅材料喇！呢餐真係唔講得笑，好貴呀！！！

希望人地老豆鍾意+Happy啦！



今日，仲有個笑話！就係~ 恐龍仔呢排好鍾意同媽咪講 " I Love U"

講得多，自然就有人會呷醋啦！個傻仔唔係聽話嘅人，係迫唔到佢講架！但轉個頭，又依依不捨咁同個老豆講 "I Love U"，都算佢啦，如果唔係~ 我有排煩呀！

最好笑嘅係，當我同佢去超市買嘢，佢不停問我：爸爸去咗邊呀？我好掛住佢呀！我想24小時都同佢喺埋一齊呀！佢幾時返呀？我好想同爸爸一齊呀！

仔呀~ 你自己同你個老爹講啦！