海星灣有海星

海星灣有海星，所以有呢個新名字！以前，一路都無名，我地去過好多次，都見唔到海星！

呢次活動，改咗好幾次期喇！終於約到個好日子 (大退潮)，但遇着恐龍仔喘氣！唉~ 去唔去呢？

終於，佢瞓完晏覺，好番d，我地決定照去啦！

岸邊，都係d寄居蟹，無乜特別，但再行遠d... 係咁！

多到~ 隨便行過一定會踩到！

小朋友們就當然興奮啦！

牛牛BB無著鞋仔，但係見到呢邊d沙都OK，就俾佢行吓啦 (其實抱到媽媽好攰喇！)

呢個灘好大好平咁，其實水漲時，係落唔到去架，但到水退時，就可以行到好出~

恐龍仔玩得好開心.. 牛牛就第一次出海，算係我地搬之前一個重要嘅回憶，哥哥話，過兩年要再帶牛牛嚟睇海星呀！