一早餵咗牛牛食糊，到幫哥哥換衫食早餐出門口，我就同牛牛出去食早餐同埋買餸！尋晚我仲整到一湯兩餸，今日都唔例外！
牛牛瞓咗，我就煲粥仔同埋煲湯，仲有準備好午餐！
到牛牛瞓醒就洗白白，然後食粥仔！
今日午餐係蕃茄薯仔魚尾湯+通心粉！
而牛牛嘅粥仔就係：甘荀蕃薯小米魚粥+蕃茄薯仔湯底！
好好味~ 哈哈！
------------
晚餐: 煎牛扒+炒芽菜仔
恐龍仔似乎好鍾意媽媽煮嘅嘢，兩日都唔願出街食！
可惜我嘅EQ唔高，面對越夜越失控嘅人仔... 唉！
兩晚都俾我鬧完，然後自己瞓覺覺，好似好可憐咁…無計，平時9點瞓嘅哥哥，呢兩日要同牛牛咁上下時間瞓 (8pm)，我又點可能睇到兩個呢？！
牛牛一日食幾多次固體??
回覆刪除一湊二仲可以煮埋飯~~ 好野!!
[版主回覆03/30/2011 13:31:00]3餐喇！兩餐粥，一餐糊~ 過獎~ 我d EQ唔太好...
你好掂呀！我次次都只敢比工人放十日假，再成家去旅行。 日日係屋企揍佢兩個，我會癲！
回覆刪除[版主回覆03/30/2011 13:31:00]癲ing 啦！
你兩個bb肯咁早瞓就好啦, 我果兩個唔到11點都唔肯上床...唉...攰死人, 晚晚打仗咁!
回覆刪除[版主回覆03/31/2011 13:28:00]朝早晨咁早就醒，似足我囉！
好有心機呀. 我家下都無心機煮野了
回覆刪除[版主回覆04/06/2011 09:53:00]你點同呀~ 大肚婆！
點呀~ 層樓放成點呀？我地有人還價，但係個價好低！
我哋呢啲都係辛苦命, 唔適合做全職湊仔婆 EQ實太低, 好快被怠盡~
回覆刪除[版主回覆04/09/2011 16:12:00]遲早搞出人命！