親子旅行@大棠荔枝山莊

又係一年一度嘅親子旅行，今次我地去大棠荔枝山莊。
講話去呢度玩就講咗好耐，今次終於去得成喇！

一去到，當然要坐牛車啦！

個個小朋友都好鍾意坐牛牛車車架！

之後，我地去咗餵鯉魚。

然後，就係馬騮爬繩網。

乜得你行得咁輕鬆架？！

基本上，恐龍仔都鍾意玩繩網陣嘅，只係有時眼仔望咗去第二度，又或者有dd驚驚咁啦，但係有爸爸陪住嘅話，就無問題啦！

食完午飯之後，就係集體玩動。首先係彩虹傘~

恐龍仔好鍾意走入傘裡面行嚟行去，好開心！

之後仲有推波波，人地明明一個小朋友一條跑道嘅，得係你睇吓呢隻曳人..

專發走過去人地嗰邊，仲要好開心架喎！

每個小朋友都有一袋禮物，裡面有好幾樣玩具，我地之後仲玩咗一陣玩具..

呢日中午有太陽，天氣唔錯！大家玩得好開心，回程時，大部份嘅家長同小朋友都瞓咗，但係恐龍仔就... 一路望住個窗唱歌！