湊仔婆 day 1

工人放大假，呢次非同小可，因為~ 佢要放多達17日！
第一個星期，由我全職湊仔！
今日係星期六，全職湊仔大任Day 1~
同一時間睇兩個，真係唔易！特別係牛牛上下午都要小睡，又唔係咁易瞓着！
今日，有一單煩事發生，就係牛牛唔願飲奶！其實佢尋晚半夜都係飲得兩安就唔飲，今朝我俾佢食糊仔做早餐，午餐都食得幾好！但係到臨瞓嗰餐奶~ 唔飲！係一放入口就頂返出嚟！好啦~ 照瞓啦...
到我洗奶樽先發現：個咀爛咗！陰功豬~
其實哥哥細個都試過一次係咁，但唔代表就咁就會學到嘢，第二次都係唔知發生乜事！
嬲嬲地，自己check過哂d樽，掉咗d "S"咀，掉埋d 無排氣嘅樽！終於，開咗d Dr. Brown！！！
呢d叫求人不如求己！
講咗俾工人聽好幾次，掉咗d細咀啦~ 我買咗中咀架！到我想買過d大咀，睇睇d存貨? 仲有中咀嘅？！所以，一路都未買大咀…亦都唔係好明，點解睇住牛牛用嗰d無排氣嘅樽飲得咁辛苦，叫極都要同我慳，唔開Dr. Brown用！或者，佢覺得多配件掛~~
仲俾我發現，爛咀唔止一隻！！！
辛苦哂你喇~ 牛牛！！ 有d嘢都係要親力親為好d！