初三行大運

年初三, 搞乜好?

跟大隊去方舟?  但係大隊午後至去玩喎..

最後, 朋友話去行山! 我地揀咗唔會太難行嘅城門水塘~

去到, 我地比預期早, 睇一陣馬騮~

影吓d馬騮扮兔仔..

玩吓bubbles..

竹蜻蜓..  (唔多識玩, 最後破相)

行山.. 就自然要飲嘢啦!

今次仲有呢隻好少去街街嘅牛牛BB~

佢竟然學人爬樹呀!!!!

恐龍仔借咗人枝行山竹, 好興奮! 跑呀~~~

成朝無瞓嘅牛牛終於不支.. 瞓咗~

有人叫恐龍仔去坐舊木頭影相..

跟住又多一個人仔..

呢兩隻嘢好似好親蜜咁..

兩個都鬼c咁多表情..

女嘅就嗲哂頭..  男嘅就一副唔耐煩樣!

3個小朋友搬石頭~  努力呀!

玩樹枝~ 三劍俠?!

行到一半, 牛牛就醒喇!

路上, 我地遇到黃牛一隻!

呢次旅程, 對牛牛嚟講, 都幾辛苦! 佢朝早無瞓, 中午唔願飲奶, 瞓得大半得鐘就醒! 初一凍親有兩聲咳, 真係好擔心咁樣玩一玩, 又瞓唔到, 仲嚴重咗...

呢次行程比預期行得耐咗.. 行咗4個半鐘呀! 小朋友們好叻, 行得又快又無話辛苦喎! 慢嘅.. 係媽媽們囉...