我要踩單車!

媽媽收到公公嘅電話..

公公今日入咗新界探孫，午後同恐龍仔落樓玩，恐龍仔帶咗佢心愛嘅單車。

但係今日架單車同往日有些少唔同，爸爸拆走咗對輔助轆呀！

其實上星期爸爸可以準時放工，所以就拆咗對輔助轆，諗住教恐龍仔踩單車..

教咗兩日，扶住座住跟住跑.. 好辛苦！

但係到公公，就當然唔可以咁跑啦！公公話：個傻仔真係好鍾意踩單車架！佢話踩快d就得，唔得就喊，佢嬲自己踩唔到呀！好慘啫，點解要咁快拆咗對輔助轆呀！

可憐豬.. 媽媽聽到心都痛埋！