今朝9點幾，收到恐龍爸電話：老師發現口腔內有紅點一粒，恐龍仔要睇醫生攞咗醫生紙先可以返學呀！
上次係false alarm, 去到個醫生笑笑，話d人太過緊張喇，無乜計，寫咗紙俾我地，藥都無 (當然無啦~ 都無病！)今日又嚟，煩c人呀！
呢個星期開始，曳人要寫字，寫得好求其之餘，仲要唔願寫！
唉~ 一日唔返學，做兩日功課，諗起都驚！
黃昏，恐龍爸帶咗恐龍仔踩單車，玩得就邊會有病呀！睇得醫生嚟，返到屋企都八點，食得飯嚟... 仲要做埋今日d功課！係呀~ 老師俾咗功課佢帶返屋企呀！
呢排睇住佢做功課，爸爸黑哂面，恐龍仔就無嘅開心嘅親子時間，希望呢d時間快d過去，盡快適應"寫字"呢樣嘢啦！
現在晴晴每星期只有2樣功課, 只有英文功課, 晴爸都唔肯陪她做, 因為一做就黑面--->駡人--->尖叫, 豪哭, 下年返全日, 中英文功課一起做, 到時是我死囉!
回覆刪除[版主回覆02/24/2011 15:43:00]返全日會响學校做功課呀~ no worry~~
豬弟日日返嚟都有功課, 不過都係連線填色認字嗰啲輕kang嘢! 佢哋要到K2先可以寫字, 希望我唔使嘔血~
回覆刪除[版主回覆02/24/2011 21:18:00]我諗.. 個個初初寫字都會要d時間適應 (你想唔嘔血都幾難!)