花仔~ 預備編

下星期係Vicky姐姐大婚日子, 咁啱媽媽有個中學同學今日响中大行禮，於是，媽媽唔放過呢個大好機會，等大少見識吓咩叫"行禮"先！

首先，係呢套响淘寶買返嚟嘅西裝，媽媽嫌佢有d casual，所以今日用嚟襯牛仔褲，叫做著吓唔好浪費嘛！

靚仔到呢~~~ 其實佢笑係幾好睇嘅，只不過平時好少肯俾個笑樣你影相！

之後去咗書店買咗幾本書，但係呢本就唔肯放低，係要攞住睇！

算係好合作.. 仲要書不離手！

問咗人，上到教堂門口，我都早咗少少，上一場仲未走，恐龍仔埋去同人地架花車影相！

影吓後先~ 呢個袋仔係咪幾靚呢？！

我地响附近行吓，見到條小河。

恐龍仔問：d水飲唔飲得架？

未等到婚禮開始，有人話要飲維他奶！但附近無汽水機喎~~ 扭計！好啦~行返去大學站買啦... 點知，我地遇見Vicky姐姐！
食飽~恐龍仔主動話上返教堂觀禮。

婚禮進行中...

可惜婚禮進行期間，呢隻人仔無停過，一時又話邊個講嘢咁大聲，一時又搞d詩歌書，一時又爬嚟爬去，大叫！行出行入幾次，但係佢又話要影埋相先走，咁點呢？最後，終於肯走喇！

再次祝福呢位上堂時會同恐龍媽"角力"嘅男同學，祝你倆幸福快樂！

希望過幾日到Vicky姐姐時，天氣都好似今日咁好啦！