牛牛@2 weeks

牛牛剛滿兩週, 開始唔係食飽就瞓喇!

懶媽咪就當然想佢瞓多d啦~ 咁佢唔瞓, 有乜搞呢? 影吓相囉~

 

有日, 媽咪想小睡, 放咗牛牛出廳, 講低下餐時間, 入房無幾耐就聽見喊聲, 跟住無咗~無理, 繼續瞓, 醒返~係下餐之後嘅半個鐘.. 工人餵緊奶, 佢話之前俾90ml, 飲得60ml, e+又喊~ hmm.. 前後講緊3個半鐘, 食緊第3餐! 有無搞錯呀! 都話咗唔放心佢湊架啦!  之後我自己湊返, 發現喊聲有異.. 喊吓停吓, 尖聲, 跟手放屁, 然後瞓返…唉~到牛牛有肚風喇! 可憐豬!

 

依家俾住安撫奶咀去安撫吓佢先~ 再睇吓揾咩油同佢按吓個肚仔啦~

牛牛嘅一天 @1st week

 

出世: 3.24kg                    Day 6 : 3.54kg

八個字: 食飽就瞓~ 瞓飽就食!

 

瞓緊.. 突然發惡?

扭到好醜怪呀! 面都紅哂!

靜返落嚟.. 面都無咁紅喇!

好快又無事一樣

再發作!

好喇~ 媽咪玩夠喇.. 要食奶奶喇!

食飽~掃完風~  即瞓!

sweet dream, honey~

呢隻仔食唔係太好, 安幾就收工 (Zzzz) 搞一大輪先掃到風!

食得慢.. 好辛苦至餵到3安! 有時食咗兩安幾, 轉頭仲想食! 依家三個鐘一餐! 好想佢食到多dd, 可以四個鐘一次!

 

偷師: 數量概念

恐龍仔成日問 5+6=幾? 4-3=幾??  etc~

答得多, 醒起<買錯玩具教錯仔>教過嘅玩法, 試一試先..

都教吓雙單數 同 加減~

第一次無乜心機自己玩, 遲d再玩過啦!

一場惡夢: 產後大出血~

深夜, 突然下腹痛, 大量出血! 打俾医生, 佢話聽朝去攞d消炎藥就得, 無事!

食咗止痛藥, 但係兩個鐘後依然血流成河, 開始企唔穩.. 見暈!

於是餵埋牛牛就帶埋佢去仁安.. 佢一路瞓, 無醒過!

去到仁安, 姑娘知道係余医生case, 就call佢, 医生話唔得閒喎.. 咁就見咗當值嘅林医生~

做咗一輪檢查, 流咗好多血.. 佢話一定要入院, 問題係入仁安定PWH, 要抽血做配血, 做手術 (約兩萬蚊), 如果都止唔到, 就要切咗個子宮!!!

 

嚇到我地兩公婆呆咗~ 我就喊哂..

 

咁嘅情況, 當然要去PWH啦!

於是, 林医生叫姑娘掉咗抽咗嘅血同埋一個種菌標本~ 然後寫紙俾我去PWH

响白車, 急症室分流/医生, 病房姑娘, houseman, 医生.. 講咗好多次我嘅medical history, 有好幾個都講: 做乜佢地唔執返自己d手尾! 令我對我嘅医生懷疑!

婦科檢查係一樣好討厭嘅事, 特別係响政府医院! 所有嘢再做一次, 不過無抽血(都無諗住做手術!) 同我檢查嘅医生就話: 開刀生好少會淨低嘢 (會引至大量出血), 而且我曾經穿水, 所以好大機會係發炎, 睇吓食咗消炎藥點先再算~

 

上午, 我個医生打俾我, 佢話check過入院病人但唔見我, 問門診姑娘先知我去咗PWH~ 佢一個電話加上PWH医生講嘅嘢, 我對佢有返信心, 仲將嗰位林医生嘅不滿講咗出嚟! 我有d覺得佢係想揾錢.. 希望唔係無料啦 (其實兩樣都衰架喇!)

 

一個人入院已經慘, 仲要做咁多令人難受嘅檢查, 又俾個医生嚇! 真係諗吓又想喊! 住大房又瞓得唔好.. 我呢個第一次睇急症/坐白車/住政府医院嘅人, 真係好感激恐龍爸公司份保險!

 

點解成日都遇到d嚇壞人嘅医生呢?!

New Mom

Really wanna write something about my new life.. even cannot input chinese by using this notebook.

The birth of this little cow was another dramatic experience to me.. breaking water with pain.. lots of water.. I cried, not because of the laboring pain, but some injection from my arm! emergency C-section.. Dino dad could not stay with me~  things happened within 3 hours!  I still remember that Dr. Yu was holding my hand, but I could not feel the sense of safety I need.

It was midnight~ so, I stayed in hospital for 5 days, whereas 4 days for the little thing.

The urine tubing was removed at noon, I need to leave my bed after 14 hours ( the time I set for myself, so that we can go to visit our baby).  It took a long while for the dizzyness leaving me.. thanks for Dino dad again.  I havent been hold by him like this for a long long time.. he was supporting my weight..

I was so tired that day.. frightened my parents.  But after 8pm, I was fine already.. could even stand up alone without any assistance!  This time, I recover much faster than last time!

Again, I got close monitoring, blood pressure measurement for every hour.. then every 4 hours until I leave!  Nurses come to visit me every 4 hours.. ask how I feel!  and, new policy of the hospital, they will tell you what you need to do and the cost of the treatment, then you need to sign on a piece of paper.  It's $1xx per day for checking bp every 4 hours.  Close monitoring cost around $600..

Everything is money.. luckily, we have maternity insurance.  And that's why we go for private.  But of cause, there's a limit!

Another new experience: breastfeeding~

Dino refused me.. actually he refused to bf and refused the mama milk!  I need to mix it with formula, so that he would drink it! I only pump out some milk everyday for 3 months, and of cause, just limited supply.

This time, I actually started within 24 hours.  This little cow is really great, he knows how to do it!  By the 2nd time, I can let him suck for 10 min on both sides.. But problem arised., my nipples hurt so much.. I need to stop!

Bless me and my little cow.. it's the 3rd day after his birth.  It's so painful to me.. but I cannot give up now! just cannot!  Bless me for recovering soon.. bless me that my skin wont break again.. or I need to use pump.. which is not as good as the true bf~ 

 

傳統孭帶防嬰兒髖關節脫位

傳統孭帶防嬰兒髖關節脫位
29年來少人使用　甩骱個案增 8倍

 

港大矯形及創傷外科學系助理教授杜啟峻指，分析 05年至 08年港島區的公立醫院求診數字，每千名兒童中有 0.87人髖關節脫位， 29年前全港每千名兒童只有 0.1人出現此問題，估計個案增加或與家長少用傳統孭帶有關，因為孭帶可保持嬰兒關節向外打開，有助改善輕微的髖關節脫位問題。

港大新手術傷口細

 

嬰兒越早治療髖關節脫位，完全康復機會越高，該系名譽臨床副教授周宏表示，六個月或以下的嬰兒，可戴上類似孭帶的帕氏吊帶兩至三個月，改善髖關節脫位情況；六個月以上的嬰兒則可用類似「打石膏」的方法復位。部份患者關節會有組織障礙物，例如一些肥厚肌韌帶等，令關節不能緊合，則需要接受手術。
由於傳統手術創傷性大，一般需一歲後才能進行，港大骨科在過去三年為 14名患者進行創傷性較低的「開放式復位手術」，此手術好處是五個月或以上嬰兒已可進行，並只需在大腿內側切開少於三厘米的傷口，較傳統手術要在大腿外側切開約八至九厘米的傷口為短。周宏指，手術後傷口不明顯，「大咗着兩件頭泳衣都睇唔到傷口」。傳統手術約一成人會再次脫位，接受新手術患者則未有人出現再脫位。
嬰兒大髀出現不對稱摺痕、更換尿片時一隻腳張開幅度較另一邊少、學行時「擺吓擺吓」、長短腳等，也是髖關節脫位的常見症狀。
周宏指，出生時臀部先出的嬰兒風險最高，髖關節脫位機率達 3%至 5%，但未必與分娩時拉扯動作有關；首次懷孕的母親子宮較小及胎水少的孕婦，有可能令胎兒身體受壓，增加髖關節脫位風險。
15個月大的蕭妹妹，在個半月大時，於母嬰健康院接受檢查發現左邊髖關節不穩，獲轉介到根德公爵夫人兒童醫院接受治療，使用帕氏吊帶三個月後，情況未改善，原來關節有組織障礙物，去年 6月接受開放式復位手術，住院兩天已可出院，現時康復進度理想，走路時相當穩陣。

New Member of Dino&#39;s Family

A quick update~

Dino mom got "break water+pain" at night and ran to hospital immediately!

The little thing arrived this world after midnight by emergency C-section.

7 LB~  looks quite alike to his brother.. but with a bigger mouth~

Dino@Day2

 

Dino mom recovers very fast! In the first 20 hours, it was extremely tired.  But afterwards, the wound seems fine and mami can stand up without assistance! 

手仔腳仔印

應承咗恐龍仔好耐喇~ 終於揾到時間陪佢玩..

首先係腳仔印

然後到手仔

仲有爸爸隻大手

完成圖

最後覆診日

上星期情況開始” 惡化” 有蛋白尿水腫問題.. 但係夾住長假期, 唯有自己小心d啦~

 

今日覆診, 寫定有乜要做/買, 作non-自由人嘅最後準備!

 

見医生, 估唔到體重無升, 可能仲因為消咗腫輕咗少少..血壓又好似好咗d…

 

医生話: 仲以為今晚要劏咗你添!

 

牛牛一切正常, 3.19kg, 下個星期出世一定有7磅喇!

 

之後, 繼續未完成嘅shopping, 都係無bb嘢, 因為bb嘢一早搞掂哂喇!

遊中文大學

恐龍媽大住個肚, 唔想四圍去, 近近地~ 我地去咗中大行運~ (可憐嘅恐龍仔, 放假都係日日响屋企悶!)

我地今次嘅導遊先生~

沿路見到d特別d嘅植物.. e.g. 禿哂嘅鳳凰木.. 俾寄生植物搞到c得嘅大樹 (無影到)

氣根橫生嘅榕樹~

咩雀仔?

目的地就係呢度~

竹林

恐龍仔: 好似C字嗰條橋

有乜嘢睇?

好多好多錦鯉呀!

有毛毛嘅豆~ 導遊話: 佢應該係叫毛豆呀!

串錢柳

"荷花池"

其實係睡蓮呀~~~ 又係時間講吓同荷花嘅分別喇!

好大隻嘅雀仔

又係榕樹

導遊先生好鍾意呢個旅程, 話有好多樹樹/雀仔/花花.. 要第日再嚟過喎! 差d唔記得講, 仲有小白鷺呀!!!!

同埋討厭嘅~ 蚊!!!!

【曳媽分享】自家坐月列表中部份食材之解說

Copy from 【曳媽分享】自家坐月列表中部份食材之解說

現提供部份食材的製作資料供大家參詳一下：~

 

【 炒米茶 】

炒米茶比開水較有益，有米氣落肚，更可有暖胃作用。剛生產過後便可開始飲用。

做法好簡單：—
將適量乾米用白鑊炒至微黃色便成 (更可以炒多一點存放於玻璃樽內)。
每次飲用時便用煲放一手份量既炒米，加一片薑，再加水(濃淡隨意)，水滾後便可倒入暖壺內存放，每當口喝便飲此炒米茶。 其實媽媽是可以飲水的，只要不是飲得太多就問題不大。
另外，可隨意加入紅棗(十二朝前不要太多粒)、龍眼乾(即桂圓肉)、杞子、黨參(十二朝後) 等同煲來飲也不錯！

 

【 五更飯 】

查實如果大家有睇『孕媽媽』這本雜誌的話應該會知道的。

其實 "五更飯" 即是從前的早飯，是指清晨時份 ( 第五更-5~7點 ) 所食的飯而已。
從前無錢買補品補身，堅信每朝早起時食一碗飯便可以增強氣力、幫助身體吸收營養，也可補中氣的。

至於用料是較為平民化的，但奇在也可以好補身的！跟食一隻雞的效用可比美！
材料：蛋、薑茸、豬肉 (切片或切絲也可)，頭兩星期可另加入木耳，蛋也可隨意選擇可加可減。
煮法與一般煲飯的方法無異，可把所有材料放入飯煲內同煲也可，而材料既份量可因應個人須要自行調較。

最主要係一早起身後食到這碗飯，就既可補身又可補氣。
至於媽媽們都關注的 "減肥" 這問題…… 留待坐好月子，把身體機能重整好後才考慮吧！哈哈~

 

 

【 紅糖粥 】
紅糖也就是大家吃豆腐花時所添加的糖，是有活血祛瘀的作用，所以產後頭兩星期內食用就最好不過。
做法：跟一般煲白米粥一樣，滾後加入適量紅糖拌勻即成。

 

【 桂圓粥 】
把數粒桂圓(即龍眼乾) 洗淨後與白米同煲成粥即可！

 

 

【 黑豆飯 】

黑豆有補血功效，較適合剛生產後頭兩星期食用。
做法：把大概半碗黑豆於白鑊中炒至豆皮稍為爆裂時贊下清水，煮15分鐘後撈起於白米一同煲熟即可。

與白米同煲時是不需要額外去皮的。

 

… … … … … … …

至於大家都關注的產婦不能沾生水這問題

 

其實我個人意見是生水 (指無煲滾既水) 就真係盡人事都可免則免，那平時抹面洗手又怎辦呢？

產後媽媽是可以用薑水來替代的 (刷牙除外！哈~)。

薑水做法亦係非常簡單：—
只須拍扁几舊大薑 (或可採用薑皮，建意最好用湯袋裝好才煲，否則煲好後也不便使用)，放入一大盆水內煲滾即成！

可待涼後擺放於廁所中供給媽媽日常抹手抹面之用。

但薑水待涼後怕不怕對坐月子的媽媽不好？當你試過後就知那奇妙了，你用了這薑水洗手後會感覺到那份興熱哩！

剖腹坐月餐單

此坐月飲食餐單以一共四十朝為期，共分休養期、進補期、大補期及滋補期。

Ref: MaMaStation 

 

每位媽咪飲食物後注意

 

因每位媽咪體質不同，如食了某類湯飲食物後

1. 發覺惡露回流、流量增多或變回鮮紅色，則可能導致行血，便要留意了，須暫停食用某類食物，待過後才再烹煮飲用。

2. 出現失眠、生飛滋、喉嚨痛、口乾等，則可能過燥，須改為進食較滋潤的湯飲食品了。

3．媽咪們生產後，是身體組織一個大規模的新3陳代謝、重整既時期，所以越早開始調補就越好，如能好好把握調理，進補得宜，是可以令身體復原得更好更健康。故最好調理至四十朝，如有心補身調理是可以補至一百朝的。

 

自家坐月飲食及注意事項

 

1. 此坐月飲食表以一共四十朝為期，共分休養期、進補期、大補期及滋補期。

2. 餸菜均以少鹽、紅糖(或白糖)、麻油、適量黑糯米酒等來調味，以烚、蒸及炆煮來烹調，不宜太味濃及油
膩。而湯品以隔水清燉及煲來烹調。

3．肉類以瘦肉、少肥油豬展肉、魚肉、雞柳肉或雞胸肉為主，而原雞隻或冰鮮雞食用前必須先去皮、去肥膏、去頭尾及去清內臟(烏雞則不須去皮)

4. 飯類可以糯米、紅米、糙米來代替白米；另亦可進食通粉、米粉、面線等。

5. 燉品湯水在日間進食較易吸收，而養生甜品則在夜間進食效果會更好。

6. 飲品主要以代茶為主較好，能較易被腸胃吸收有關調理身子的功效。而水份、熱奶或熱豆漿亦都可以飲，勿一次過飲太多避免腸胃下垂，以適可而止為佳。

7. 產後一星期不太適宜進食水果，如真的想吃的話，可選擇木瓜、提子。

8．各湯水甜品等可自行加入燕窩、雪蛤膏、沙參、淮山、玉竹、花膠等滋陰潤燥的材料。

9. 而當歸、鹿茸、人參、鹿尾羓等呢類補品均須過四十朝後進食會較好，開刀媽咪則再延遲至產後二個月進食較佳。而進食次數亦不宜太密，一個月吃一至兩次就足夠了。

10．坐月期間最好以少吃多餐，一日五至六餐最適宜。

11．十二朝前最緊要清淡，餸菜可配以黑木耳(白背黑木耳功效最好，而普通木耳尚都可以)同煮，能幫助排清惡露，但不可過量。

12．煮食時須注意均衡營養的吸收，最好能做到青、紅、黃、白、黑之五色蔬果均俱全。

剖腹生產的媽媽須注意：

- 二十朝後才開始進補，慢慢增加行血壯血食物的數量，例如：紅棗、薑、黨參、薑醋等。
- 二十朝後才開始進食薑茸炒飯
- 大補期內應以牛肉全以豬肉替代
- 十二朝前可以清燉雞湯來補身，可以陳皮代替薑片；
- 不應飲用生魚湯，以免肉芽增生。

餵人奶媽須注意：

- 可選擇木瓜、花生或通草來配章魚、蓮藕來煲湯以增奶量。
- 食雞酒時，應安排在餵完BB後才進食，但亦須要留意BB的反應，如面紅紅、面出粒粒、大便有沒有困難等，則須相隔三至四小時後才再餵哺。
- 口味過鹹會容易回奶，亦導致媽媽水腫難消。

肥媽私房菜-炒薑飯+豬腳薑醋(產後)

肥媽私房菜-補身北耆黨蔘雞湯(產後)

肥媽私房菜-牛肝煲仔飯木瓜魚湯(產後)

肥媽私房菜-排毒紅棗木耳雞湯(產後)

 

Ref: 肥媽老友記 肥媽私房菜

【自家坐月飲食及注意事項列表】    by 曳媽咪
 

 

產後代茶

坐月要飲用代茶

產後身體會比較虛弱，而導致新媽咪身體吸收得比較差，
若在坐月期間飲白開水，身體便會出現胃脹、尿頻、便秘、腳腫的情況。
而代茶就可以在這期間加強新媽咪的新陳代謝，舒援身體不適的情況。
因此，一般新媽咪都會以代茶替代白開水，直到滿月為止。

 

 

黑豆圓肉炒米茶

其實整依個茶真係好易,  先準備一隻乾淨既鑊, (最好不要用易潔鑊),  將D白米, (無需要洗米.) 直接放入鑊中, 用最慢火~白鑊炒米, 炒到D米變金黃色, 就可以放落一個密實盒備用! 每次落D炒米,加熱水焗來飲用!

以上依個茶, 係最適合產婦產後飲既代茶! 正氣架!

其實炒米茶.除了可以黑豆.圓肉外, 也可加上紅棗數粒啊!當熱水焗透D米之後, 米會發大, 都會迫爆茶包袋架! 不過唔緊要. 所有材料都可以食埋架!

把炒米放入茶包袋中, 飲既時候, 成包放入暖杯, 加熱水焗一會就OK!

 

---------------

Sources:

http://hk.myblog.yahoo.com/im38creative/index?l=f&id=32         

http://www.jaycy.net/Blog/archives/196       

為何要飲用代茶?

(資料來源：香港陪月界紅人職工盟陪月導師珍姐)

產後身體會比較虛弱，而導致新媽咪身體吸收得比較差，
若在坐月期間飲白開水，身體便會出現胃脹、尿頻、便秘、腳腫的情況。而代茶就可以在這期間加強新媽咪的新陳代謝，舒援身體不適的情況。因此，一般新媽咪都會以代茶替代白開水，直到滿月為止。

*Note: 唔好企起到飲嘢喎, 要坐係到飲, 慎防子宮下垂!! (thanks to 謙謙 mama!!)

There are several kinds of 代茶, the most common one is 炒米茶.  炒米茶最重要的當然就係炒米，炒米好易整，用白鑊炒白米，炒到金黃色就OK。米就唔好咁早炒，要飲時才炒，因為炒米只可以放個多兩個月。  

坐月代茶#1: 陳皮炒米茶

陳皮四分一片，炒米適量（我就抓一把米）

（註：陳皮行氣健脾又正氣，就算係開刀都啱飲架。）

做法：陳皮浸軟，洗淨刮瓤；將陳皮同炒米放入茶煲，用滾水焗十分鐘就飲得。

      

坐月代茶#2: 紅棗炒米薑茶

材料：

去核紅棗二十粒、炒米兩湯匙、薑數片（註：剖腹生產則改用陳皮）

做法：

先將米用白鑊炒至金黃色，然後加入紅棗、薑、炒米以八碗水煲滾半小時即可飲用。

功效：

此代茶適合十二朝前飲用。紅棗有補脾和胃、養心安神、補血之效。
而炒米有暖胃作用，可幫助新媽咪吸收得更好。

 

坐月代茶#3:  桂圓薑棗蜜

材料：

龍眼肉３０克、紅棗３０克、鮮薑汁１湯匙、蜂蜜９克

做法：

先將龍眼肉、紅棗加五碗水煲成兩碗，然後加入薑汁、蜂蜜即可。

功效：

可消產後因氣血積弱而引起的浮腫。
龍眼肉有止血安神、益心脾補氣血之功效；
薑汁可散寒驅風、止嘔；
而蜂蜜則可補中消燥、解毒。

 

坐月代茶#4: 糖薑茶

材料：

紅糖２５克、乾薑粉１５克

做法：

將紅糖及乾薑粉加入溫水開服即可。（即沖）

功效：

乾薑粉有溫中驅寒之效，而紅糖則可補脾溫中、補血驅瘀；
對於產後腹痛驅寒有很大幫助。

 

坐月代茶#5: 山楂飲

材料：

山楂５０克

做法：

以五碗溫水煲成兩碗，加人少許砂糖調服。

功效：

有清惡露，減產後腹痛之效。
山楂本身可消食積，散痛，而砂糖則有潤肺生津之效。

 

坐月代茶#6: 三棗茶 (適合在十二朝之後飲的代茶)

 

三棗茶當然係有三種棗類，就係紅棗，藍棗和蜜棗。紅棗保中益氣，係坐月期間常用，但是如果是有糖尿病的媽媽不宜多食，而有急性肝炎濕熱內盛者忌食。

 

    
 材料：紅棗15粒，藍棗5粒，蜜棗2粒

做法：紅棗去核，三棗淨，加8碗水，水滾後細火煲一個鐘就OK。

 

坐月代茶#7: 首烏紅棗雞蛋/合桃茶 (適合在十二朝之後飲的代茶)

材料：

首烏５錢、去核紅棗２０粒、雞蛋1－2隻/合桃１

做法：

雞蛋烚熟去殼，紅棗去核，首烏洗淨，加8碗水，水滾後細火煲50分鐘就OK。用電子壓力煲，水就落3碗，因為唔會煲到少左D水，等一陣就食得，正！

功效：

何首烏補肝，益腎，養血，袪風，加上雞蛋都係補的。

可幫助產後脫髮的情況，合桃本身則有補腦作用。

 

坐月代茶#8: 當歸南棗蛋茶 (惡露完左之後飲)

 

當歸補血和血，仲可以增强身體免疫功能。當歸具有擴張冠狀動脈，增加血流，所以我就等到完左惡露才煲這個代茶。如果好似我咁鐘意當歸味，這個代茶甜甜地，雞蛋又補，都係一個幾好的選擇，做法都係好簡單。

材料：雞蛋兩隻，當歸四片，南棗八粒

做法：雞蛋烚熟去殼，南棗洗淨；所有材料加6碗水，水滾後細火煲60分鐘就完成。用電子壓力煲，都係用3碗水.

 

** Note: 這些用中藥的代茶要睇個人的體質，寒底同熱底唔同，就算係虛都有分氣虛、血虛、陰虛和陽虛，用藥前要問下你睇開個中醫師呀！