燒~燒~燒~

恐龍仔斷斷續續咁燒咗4日喇!

一個星期前, 佢有幾聲咳.. 差唔多好返, 星期四一早, 見佢右眼腫哂, 又起返兩聲咳, 一個可憐相, 咪俾佢休息吓囉~ 医生話可能敏感, 又可能有嘢咬喎!

星期五, 學校親子旅行, 吽吽哣哣! 攰到唔願郁, 又唔願食嘢, 午飯過後就返歸, 佢一上車就俟住媽咪.. 大覺瞓!

星期六一早, 發高燒! 103度~ 嘔! 食咗退燒藥,  再嘔!! 跟住就退燒~ 再睇医生.. 檢查過, 無乜嘢~ 返到屋企都肯食少少粥!

星期日, 都係攰, 不過都仲OK, 無胃口食嘢, 又嘔!  4點幾, 再燒! 都係103度~

星期一, 諗住應該差唔多啦, 不過都休息多一日.. 黃昏時間..7點, 又103度!!!! 恐龍媽返到屋企見到個仔咁, 又再抱佢出去睇医生! 医生話: 無乜嘢~ 不過都幾日喇, 不如食抗生素啦!

OK~ 食啦!

星期二.. 都諗住唔返學架喇, 7點半, 人仔响床度唱歌, 心情愉快, 無事啦! 不過凍呀, 快d著返多件衫先! 唔~ 無燒~

唔夠一個鐘.. 摸一摸頸仔, 又燒?! 度吓.. 100度! 快d食藥呀!

唉~ 阿仔, 你點呀?! 點解會燒咁多日架?!