唔經唔覺, 又係覆診嘅日子!
本來諗住帶埋恐龍仔去探牛牛架, 點知隻仔吽吽哣哣, 作病咁款.. 唉~
今次去覆診, 有新紀錄, 就係恐龍媽嘅血壓record low! 其實係好正常先啱 (128/78), 又唔係幾駛等喎.. 入到去, 第一時間約埋開刀日子時間添~ (38w2d)
講返牛牛~ 佢有2.07 kg (~4.5磅) 喇! 中碼啦~
一切正常!
余医生俾我地睇返恐龍仔32wk個重量: 1.4kg (嘩~ 爭得遠囉! 嗰時改咗預產期都仲要細成10-14日架! 初初以為佢出世緊緊夠6磅, 所以有6.4磅已經喜出望外!)
余医生都係話唔擔心恐龍媽嘅血壓, 似乎事事順利..
但對住恐龍媽, 最近明顯地易攰, 有得瞓晏覺就不得了, 瞓到3個鐘架! 仲有就係好快肚餓, 真係餓到咕咕聲嗰種!
週末嘅節目變咗: 食飽就瞓, 瞓飽就食! 豬一樣!
完全唔想出街!
另外, 就係牛牛一日一日大, 拳腳無情.. 可以好大力架! 已經可以踢醒媽咪喇!
腳都開始腫.. 尚可接受~
個肚超大, 已經42吋喇! 絕對無駝恐龍仔時嘅輕盈 (38wk都係38-39吋肚~)
唔知係咪水腫定係食多咗.. 開始增磅快咗! 之前仲講緊重咗12-13磅, 3個幾星期後, 已經係17磅喇!!! 唉~ 仲估唔會突破20磅關口添! 哈哈~ 依家分分鐘同恐龍仔時差唔多.. 23磅左右! (希望唔好重咁快/多啦!)
其實好想好想牛牛早d出世, 因為真係好攰! 不過又諗: 如果早到復活節就唔抵!
如無意外.. 牛牛應該有7磅呀!
最緊要大既生得舒服, 細既健康...........就好了...
回覆刪除[版主回覆03/08/2010 17:53:00]係嘅!
一定要健健康康~^v^~小朋友十分可愛喔!!!
回覆刪除我仔出世時得5磅半, 而家2歲2個月都係得11kg, 同dino差唔多細粒.
回覆刪除係呀, 我上星期六都有湊熱鬧去km面試, 唔知阿仔有無緣做dino師弟呢~~
[版主回覆03/08/2010 17:53:00]又真係細粒b喎! dino e+都係得28磅左右咋!
大仔~ 應該好d! 唉~ 聽聞面試安排勁混亂.. 應該好多人會"放棄"
我都等左個幾鐘呀, 不過同前面2個媽咪排下傾下, 時間又快d過lor, 不過我老公就黑晒面lor.
回覆刪除[版主回覆03/09/2010 13:38:00]好明啦~ 我識個媽媽, 個小朋友唔多舒服, 等到發燒!