自從豬流感, 會所暫訂所有pg, 我地已經悶咗兩個幾月喇!
恐龍媽終於安排到去centre上, 聽講新嘅地方好正喎...
今日, 我地首先同爺爺嫲嫲飲早茶, 然後坐地鐵出佐敦 (嘩! 成個鐘呀!)
今堂仲係响舊地址上, 我地準時到, 上一班同學啱啱落堂~
呢班, 有9個小朋友~ 開始上堂, 首先係講自己個名, 恐龍仔好叻, 無怪叫唔係細細聲, 仲要好快應人!
呢個時候.. 已經有5位男士, 各攞住大機一副, 對住唔同目標人物!!! 場內~ 得兩位爸爸陪住小朋友~
上堂其間, 會有個鏡頭伸向你個頭側"近", 有時可能係兩個! 到底係我地阻住人影相~ 定係呢d人阻住上堂呢??!?!
呢一班.. 其實Sam Sir一早講咗, 係有d 唔同嘅小朋友.. 我地首先發現.. 有人大叫 (睇真d~ 笑緊架噃~) 有人瞓响地俟住媽媽~ 有人不時大喊~ 有個講嘢好鬼叻! 聽講:有個又話言語delay, 仲有個過度活躍, 有個唔用得閃光燈影相... (唔好誤會, 有d係好正常架.. 恐龍媽仲未分得開邊個打邊個~~)
仲有隻唔聽話, 唔肯坐定定, 充滿好奇心要四圍走嘅恐龍仔!
臨走, 恐龍仔想教位姐姐(因身型比恐龍仔略大) 砌puzzle, 呢位姐姐好唔滿意, 竟然出手搵塊puzzle打恐龍仔個頭!!! 嚇壞恐龍家~~ 好在恐龍仔無事, 無喊~ 但係呢位姐姐就死都唔肯say sorry, 喊哂! 仲唔停咁話恐龍仔有咩唔啱 (講嘢真係好叻!) 跟住~ 我地帶恐龍仔shsh~ 出返嚟~姐姐仲講緊!
全場~ 恐龍爸搞掂哂, 恐龍媽可以周圍望, 可能太多stimulate喇, 大人細路都要d時間適應.. 今日有d唔慣.. 對一個鐘頭嘅混亂嘈吵~有dd失望!
Sam Sir 話: 恐龍仔要d時候適應~ 都係嘅, 不過下堂又要適應過喎! 唉~
恐龍爸話: 唔知係咪之前會所上開嗰班人, 大家見得多, 背景近似, 大家會有禮貌d.. 唔似呢班, 有家長愛打尖!
我地仲以為之前班同學仔都有d精彩嘢, 原來一山還有一山高!
Sam Sir 同恐龍媽講: 你身在福中呀!
恐龍媽笑咗一笑~ 諗緊, 佢話恐龍媽可以自由活動唔駛睇仔.. 定係??
如果係前者: 恐龍爸又真係好想有機會時100%睇住恐龍仔嘅, 而恐龍媽通常唔去插手, 自己休息吓~
如果係後者 (which is~ 恐龍爸嘅答案), 咁我地一路都知, 恐龍仔最麻煩嘅時候係食同瞓, 其他嘢佢好乖架! 雖然~今日真係有d癲!
恐龍爸媽都有同感: 今次嘅經驗真係唔多好~ 如果我地未上過嘅, 又要次次坐成個鐘車出嚟, 真係咪搞我!
我都覺得今期呢班同學仔唔同我以前上開果d...以前果d 我覺得大家都相處得好融洽架...希望下堂會好d... 因為今堂太混亂既關係, 冇時間留意到恐龍仔, 但恐龍仔個名我已經一早向Sam 口中成日提到, 所以下堂有時間我地大家打個招呼, 認識一下...
回覆刪除[版主回覆07/27/2009 12:42:00]尋日嗰隻其實係monkey! 我地都掛住睇實佢~
玩波波時, 我睇住萱萱玩得好開心~ 恐龍仔就慘叫! (呢個波波係佢死穴)
希望下一堂好d, 唔好咁亂, 有機會打個招呼啦~
恐龍媽...我上Sam Sir(星期六)堂呀!! 冇緣同恐龍仔做同學仔
回覆刪除其實我好明白你感受..!! 有d似我返第一期幼潛同返第二期分別, 實在相差太遠喇~!!!! 不過我儘量催眠自己囉...(連大人都投入唔到的話更何況小朋友呢!)
[版主回覆07/27/2009 16:38:00]唉~ 我都係咁諗, 繼續努力啦!
講開Sam Sir堂, 我個囡係最細一個呀! 好多舊生都能做到指令, 好叻叻~!相信包包要慢慢適應先得啦!!! 佢最惡搞就係每逢玩完一個game要收拾玩具時, 佢往往唔捨得...繼而爆喊~! 仲之有得玩就乜都得....頭痛~頭痛
回覆刪除[版主回覆07/27/2009 16:37:00]努力 加油呀!
其實sam sir個pg 我同仔仔上左一期(上期)都無再上, 之前係有點慕名而去, 但結果都係不外如是, 尤其個centre地方, 真係好嘈, d小朋友好容易被distracted左, 而d家長就 ....感覺同你一樣. 仲之每次上堂都好大壓力, 唔知為mug
回覆刪除呢d感覺除左係幼潛之外,從未係其他pg試過.
[版主回覆07/27/2009 16:36:00]我其實上pg嘅經驗唔多, 响會所上嘅感覺真係好唔同, 可能好似你講咁~ 係家長質數問題啦!
D家長真係好有問題, 立喊助威o既有, 遠遠用鏡頭影住囡囡再叫過過去o既又有, 其他地方d家長considerate好多lor.
回覆刪除[版主回覆07/27/2009 17:25:00]希望之後嗰幾堂好d啦!
我都有上Sam sir pg, 不過我小朋友細D應該同你唔同班啦 我個小朋友係其他地方都有上, 但係0個班叫做係自組班, 情況真係會唔同, 家長本身熟DD, 無咁多問題, 反而去sam sir度上, 就好實際咁體會到...第日小朋友如果上學的時候, 一樣會遇到呢D問題LOR , 家長啦 小朋友都係 所以我都叫自己要適應... 因為你同小朋友一樣會遇到唔同的人, 同唔同的小朋友相處 add oil
回覆刪除[版主回覆07/28/2009 07:35:00]你講得好啱~多謝分享!
sasa 都好掛住 sam sir 呀~~ 成日話要去 sam sir 度. 都唔知mos 幾時開返班. 出佐敦實在太遠
回覆刪除[版主回覆07/29/2009 11:07:00]可能9月會開返~ 但係因為我地諗住開學就唔上, 咁最後機會, 遠d都出去, 叫做有機會say goodbye, 唔係特然間無咗囉!
<上堂其間, 會有個鏡頭伸向你個頭側"近", 有時可能係兩個! 到底係我地阻住人影相~ 定係呢d人阻住上堂呢??!?!>
回覆刪除我都係由於依個原因冇再上佢的堂啦. 實在太多家長周圍影像. 好混亂 同埋真係影響小朋友.
有得上堂都唔錯啦！
回覆刪除我地無學返，好悶呀！
日日要落樓下放吓電，如果唔係就會喺屋企發顛呢！