用開口杯飲水

恐龍媽病咗兩日, 自我隔離中..

因為之前無預响屋企開歺, 所以又要入貨喇...

病住出去買嘢囉~ 無理由叫工人湊仔個仔出街買餸架?!

買埋早歺俾恐龍爸食.. 分咗d通粉俾恐龍仔.. 呢隻嘢今日算ok, 自己爬上highchair坐定定食, 突然唔要隻spoon, 話要飲湯湯喎~ 跟住自己雙手攞起隻碗.. 自己飲! 估佢唔到, 又真係飲到喎~~~

跟住, 到apple juice時間, 恐龍媽攞咗隻雙耳杯出嚟.. 半滿啦.. 見到裡面d汁汁搖嚟搖去, 都幾驚架! 不過都要俾佢試架! 又ok喎.. 細細啖~慢慢飲!

最後, 恐龍仔自己倒到成身濕哂, 都無話佢, 但係佢就唔停咁喊! 係因為媽媽話倒咗就無得飲?? 好啦~ 洗完白白出嚟再飲過啦!

--------------------

今日打風, 3号風球, 一時好天, 一時落大雨!!!

今晚, 又突然橫風橫風, 恐龍媽入房閂窗啦.. 恐龍仔跟埋入房, 媽媽突然興起, 不過熄燈睇雨咯?! 恐龍仔乖乖地陪住媽媽聽咗一陣雨聲.. 睇咗一陣雨境.. 跟住, 恐龍仔嫌廳嘅燈光影響佢, 叫媽咪閂門!

閂門後... 雨都差唔多停喇~ 我地竟然見到星星! 响黑雲之間.. 有好幾粒星星呀!

又過咗一陣, 恐龍仔終於叫媽咪開返d燈喇, 問佢鍾唔鍾意陪媽咪睇星星, 佢答: 唔~

有時~ 真係唔知响邊度學嘅, "唔"算係d咩答案呀?! 阿仔, 你唔係從此就咁對你阿媽呀?!?!?!?!