台風後的... 大個仔?

尋晚, 恐龍仔竟然唔肯飲奶.. 就瞓咗! 其實尋日一日都飲咗好少水... 連平時最愛嘅橙汁都唔飲, 唔知搞乜~

今朝一早, 恐龍媽問工人姨姨~恐龍仔點呀? 答案係: wake up late~

咁半夜有無起身飲奶? 無喎~~~

吓?! 成飲無醒仲要晏起身? 工人姨姨加多句: diaper is dry!

咁無飲奶, 片片應該乾嘅~

hmm~~~ 大個仔? 唔駛飲奶奶瞓覺覺? 唔好tum媽咪開心喎.. 睇多你幾日先啦!

------------

落樓, 見到成地樹葉樹枝.. 好多樹枝都被大風吹倒, 折斷.. 連根拔起! 好多斷枝被搬去網球場, 我地行咗入去睇.. 樹皮, 樹幹裡面.. 話俾恐龍仔知, 大風吹斷咗d樹呀~ 恐龍仔say sorry~

跟住~ 恐龍仔又開始跑.. 開始一路數手指一路跑!!!

仲有~ 一路數手指一路彎腰! 跳跳!!! 同埋打招呼!!!!

最近~ 恐龍仔已經可以由1數到100喇! 仲好鍾意玩手指, 數手指!!!

-------------

媽咪要返工喇!

恐龍仔自己著好鞋, 要跟埋出去.. 好啦~

行行吓.. 佢話: 我要返工!

工人姨姨話: you need to go to school first~

恐龍仔就話: I go to school!

 之後.. 又講: 我要同媽咪一齊返工!

俾佢笑死~