有時間~ 當然就諗吓下一步點行啦~
幼稚園已經諗定以不下變應萬變, 再報3間學校以防原校唔收返..
咁下一步就係小學喇! 早? 俾多d時間了解吓嘛!
沙田區係好失敗: 無私校! 兩間直資, 一間收沙田居民有限額, 活動教學;另一間.. 佢又唔鍾意!
即係:唔駛諗!
遠少少, 九龍塘! 多d選擇, 不過原來深水埗好多好學校!
小學概覽 (以下為07-08年資料!)
開心家庭網 - 小一選校 (非常有用架!)
My Ref: BK
以下係關於邊d學校容許報名學生參加大抽獎, 部份為朋友提供, 部份係恐龍媽嘅努力成果!
可以參加大抽獎:
九龍塘學校 (KTS) : ($0留位費) 學費31k/yr, 傳統教學
面試題目~~英文: 會考串字 (如: Z__b_a)
數學 : 會即時計加減數
日常生活: 問佢叫咩名?住那處?幾多歲? 問爸爸媽媽的工作, 在那裏上班... 等日常問題,都有問中、英、數,無筆試無講故事,
kts是英文教高一年,數學高半年,中文正常,但用普通話教,常識是用英文教的
九龍塘宣道小學 ($1000留位費) 連學樂器/興趣班, 大約5k/mth
聖方濟各英文小學(SFA) 學費20k/yr, 課程較深, 每年都有學生P2轉去LS/DBSPD等所謂一級名校, 證明呢間學校都幾堅架!
保良局蔡繼有學校 學費50k/yr, IB
九龍禮賢學校 學費27.5k/yr
聖類斯 - 學費20k/yr; 小班、英小、男校、普教中、中学又是英中。四十幾個位, 但發出約150份收生通知! 五月尾先交留位費, 可以等大抽獎後先正式註冊。
others: True Light (天后) / Good Hope / SPC / St. Clare / 聖心德望
德雅 / 祟真 / 啟基 / 聖三一堂 / 聖心(上午) / 救恩 / 香港真光
九龍真光 / 培道 / 民生(6月初才開始接受報名)
唔可以參加大抽獎: (ALL DSS & some private)
聖士提反書院附屬小學 學費52k/yr
DBSPD ($40k/yr, shuttle bus from 太子/ 九龍塘, 150個位, over 2k 人報名, final list 300人 2nd in)
英華小學 (08-09, 學費15k)
高主教書院小學部 20.8k/yr
聖保羅男女中學附屬小學 學費 $48k/yr
培正
維記小學
保良局陳守仁小學 學費12.8k;
以英文為教學語言, 約有三成學生來自不同民族; 陳守仁是一間相對比較 Free 的學校, 學校整體成績亦比傳統名校為低, 功課亦比較少, 但小朋友在這裡可以愉快學習, 校長和老師們對小朋友非常有愛心, 多完種族亦令小朋友懂得尊重, 這是傳統學校不能提供的環境和條件
---------------
DSS results release after 自行放榜: YW, DBSPD, DGS, PC
Around the same time: SPCCPS, HKUGA
Admission result announced earlier than 自行放榜 but registration period ends later than 自行放榜: St Paul's Boys (SPCPS)
同日: TSL
------
恐龍仔玩咗一日<寫一寫123> , 恐龍媽返屋企仲玩緊!!!
開飯喇!! 玩緊連線..
好專心~
毛筆?!?!
欣賞d咩呀?
數吓有幾多架車車先..
駕部~ (成枱書童!)
夠喇! 玩另一本啦! 終於識畫圈圈喇!
恐龍爸堅持, 書展時應該買埋ABC, 但係恐龍媽唔想咁細個人仔要抄copybook!
睇見恐龍仔咁鍾意學習，睇見佢好專注嘅表情, 真係好滿足架! 有時~ 我地會笑, 唔明點解呢個仔咁鍾意動腦根~ 讀書識字~
但係回心一諗: 小朋友學身邊人做嘢係最自然不過嘅事, 特別係父母識嘅嘢，小朋友應該"要"學先啱架嘛! 呢d係求生技能~ 況且學習係本能嚟架! 所以, 書蟲爸爸有個書蟲仔! 做人父母, 自己做唔到嘅嘢唔好要求小朋友做到，自己戒唔到唔壞習慣唔可以要求小朋友唔去學，自己唔鍾意睇書就唔好話小朋友懶唔鍾意睇書! 自己唔小心言行~ 就唔好怪小朋友無禮貌亂說話!
恐龍仔嘅閱讀能力, 只限英文~ 中文字雖然已經認到唔少, 但係因為一直未搵到合適嘅故事書, 所以無乜機會學習~
直至~ 恐龍媽响書展買咗<我會讀>同埋<我自己會讀>
呢套書係好似Oxford Reading Tree咁, 由好淺嘅幾個字開始, 慢慢加生字同埋句子長度~ (聽講某幾間名牌幼稚園都有用緊~)
------
恐龍媽今晚放工返到屋企, 恐龍仔無乜特別嘢玩緊, 於是問人仔: 不如我地睇中文書咯?!
恐龍仔細細聲應: yes~
於是, 恐龍媽攞咗套<我會讀>出嚟~
首先係蝴蝶.. 飛~ 跟住係青蛙.. 跳~ 佢地仲做咗好朋友! 跟住遇上小象..
一本又一本! 今晚連落街接爸爸放工都唔願去, 要"another one"
一口氣睇咗9本, 直至爸爸差唔多返到屋企, 先至開始無心機再睇!
佢係好專注咁睇住本書聽住媽媽講故仔..
-------
恐龍媽唔知咁做啱唔啱.. 由當初好多時講英文到近半年大部份時間講廣東話~ 由8個月人仔學睇英文字到識得讀英文書.. 近幾個月開始認中文字到呢刻開始學讀中文書~ 會混淆? 一時時啦! 但係佢有時會問大人某樣嘢中文係乜~
恐龍仔真係好鍾意學嘢~ 睇見佢嘅笑臉, 真係好滿足!
嘩!
恐龍媽臨收工, check check email... 發現Sylvia 嘅email~ 一睇: 又有相登咗?!?! 邊張呀?!
於是~ 襯未收工, 打去問問marketing個靚女, 叫佢如果本baby-mo到咗話我知啦~ 原來佢都見到恐龍仔喇 (做乜唔話我知呀?!)
恐龍媽好白痴 (加興奮) 咁跑咗去對面, 哈哈~ 俾人笑添!
原來發咗恐龍仔一張"肉照" 呀!
後記:
marketing靚女睇完, 有以下comments~
Hahaha~~ I think yr description miss one thing, should be “like a crazy woman scream through the speaker and run with “bom bom bom” from one side of office to another side”自從豬流感, 會所暫訂所有pg, 我地已經悶咗兩個幾月喇!
恐龍媽終於安排到去centre上, 聽講新嘅地方好正喎...
今日, 我地首先同爺爺嫲嫲飲早茶, 然後坐地鐵出佐敦 (嘩! 成個鐘呀!)
今堂仲係响舊地址上, 我地準時到, 上一班同學啱啱落堂~
呢班, 有9個小朋友~ 開始上堂, 首先係講自己個名, 恐龍仔好叻, 無怪叫唔係細細聲, 仲要好快應人!
呢個時候.. 已經有5位男士, 各攞住大機一副, 對住唔同目標人物!!! 場內~ 得兩位爸爸陪住小朋友~
上堂其間, 會有個鏡頭伸向你個頭側"近", 有時可能係兩個! 到底係我地阻住人影相~ 定係呢d人阻住上堂呢??!?!
呢一班.. 其實Sam Sir一早講咗, 係有d 唔同嘅小朋友.. 我地首先發現.. 有人大叫 (睇真d~ 笑緊架噃~) 有人瞓响地俟住媽媽~ 有人不時大喊~ 有個講嘢好鬼叻! 聽講:有個又話言語delay, 仲有個過度活躍, 有個唔用得閃光燈影相... (唔好誤會, 有d係好正常架.. 恐龍媽仲未分得開邊個打邊個~~)
仲有隻唔聽話, 唔肯坐定定, 充滿好奇心要四圍走嘅恐龍仔!
臨走, 恐龍仔想教位姐姐(因身型比恐龍仔略大) 砌puzzle, 呢位姐姐好唔滿意, 竟然出手搵塊puzzle打恐龍仔個頭!!! 嚇壞恐龍家~~ 好在恐龍仔無事, 無喊~ 但係呢位姐姐就死都唔肯say sorry, 喊哂! 仲唔停咁話恐龍仔有咩唔啱 (講嘢真係好叻!) 跟住~ 我地帶恐龍仔shsh~ 出返嚟~姐姐仲講緊!
全場~ 恐龍爸搞掂哂, 恐龍媽可以周圍望, 可能太多stimulate喇, 大人細路都要d時間適應.. 今日有d唔慣.. 對一個鐘頭嘅混亂嘈吵~有dd失望!
Sam Sir 話: 恐龍仔要d時候適應~ 都係嘅, 不過下堂又要適應過喎! 唉~
恐龍爸話: 唔知係咪之前會所上開嗰班人, 大家見得多, 背景近似, 大家會有禮貌d.. 唔似呢班, 有家長愛打尖!
我地仲以為之前班同學仔都有d精彩嘢, 原來一山還有一山高!
Sam Sir 同恐龍媽講: 你身在福中呀!
恐龍媽笑咗一笑~ 諗緊, 佢話恐龍媽可以自由活動唔駛睇仔.. 定係??
如果係前者: 恐龍爸又真係好想有機會時100%睇住恐龍仔嘅, 而恐龍媽通常唔去插手, 自己休息吓~
如果係後者 (which is~ 恐龍爸嘅答案), 咁我地一路都知, 恐龍仔最麻煩嘅時候係食同瞓, 其他嘢佢好乖架! 雖然~今日真係有d癲!
恐龍爸媽都有同感: 今次嘅經驗真係唔多好~ 如果我地未上過嘅, 又要次次坐成個鐘車出嚟, 真係咪搞我!
星期六晚嘅書展~ 唔算好迫人! 入口唔駛排隊, 行咗成晚~ 最長嗰條俾錢人龍係3個人! 其他根本唔駛排隊!
講講今年個target: 因為已經响on-line bookstore買咗唔少英文reader, 所以今次目標係中文書! 又因為發現恐龍仔已經有同理心, 會失望唔開心.. 所以想揾d關於情緒、德育嘅書。
經過一輪research, 恐龍媽諗住揾Noddy心靈成長雞湯同埋亮亮的成長~ 諗住價錢接近台灣就買! (可惜~ 都係貴一倍以上! 遲d搭人响台灣買!)
咁~最後買咗d乜?
靚靚手巾仔4條 ($10 for 2) | $20 | |
紙板鐘 - ($22@ x2) | $44 | |
新雅 | 快速學漢字 部件識字遊戲($240) |
|
| 幼兒心理故事叢書: ($22@) |
|
| - 交朋友 / 上學的第一天 / 迷路
|
|
| Dragon Fat Cat ($60) |
|
頭條coupon~全單25% off | $274.5 | |
小人國 - 親親小寶貝 幼兒活動教材 (兒歌CD) | $140 | |
123寫一寫 (風車圖書) | $48 | |
動腦ing | $38 | |
我愛讀 (第一輯) / 我自己會讀 (紅/橙) |
| |
| ($225@ less 20%) | $540 |
Time for kids - Planets (original $39.9) | $25 | |
National Geographic Kids Almanac 2010 ($123 less 30%) | $86 | |
Total: | >$1200 | |
呢個紙板鐘有別於一般嗰d, 我地一見到就好鍾意, 因為佢有"分鐘" 架 (外圍嗰d細字)! 因為係紙板造嘅, 我地買咗兩個, 以防暴龍....
其實恐龍媽去台灣時已經買咗d"練習簿"俾恐龍仔油顏色/連線/遊戲, 但係嗰d有一個問題, 就係只可以玩一次! 上面嗰套練習就唔同, 有白板筆, 寫落膠面之後可以抹! 我地無買連線/ABC, 但就買咗123, 同埋一d logic遊戲~
青田~ 啱啱睇到, 原來網上個價同書展一樣! 早知唔買咁多住啦!
相信以後嘅書展都要去喇! 因為d教材真係好齊! 揾到d好有用嘅嘢!
恐龍媽見到恐龍仔已經熟讀太陽系各行星嘅名, 中英文都掂, 仲要連大小外型都好熟咁! 於是~ 決定要帶恐龍仔去太空館參觀吓!!
之前都諗住去科學館架~ 講吓講吓~ 又無咗件事喎... 今次一定要坐言起行!
今朝九點出發, 恐龍仔都好乖好定.. 去到太空館門口, 我地影咗幾相.. 恐龍爸話唔好叫恐龍仔笑.. 因為佢笑得好醜樣喎!
入到去..恐龍仔自己一路行, 無理過爸爸媽媽! 好似揾緊嘢咁! 可能係因為恐龍媽話過佢聽會有星球睇..
終於响樓上我地揾到8大行星嘅迷你模型! 好過無啦!
見到地球儀~ 終於揾到樣恐龍仔有興趣嘅嘢喇!!!!
跟住去咗outback, 恐龍媽覺得太空館有d令人失望, 好在歺廳嘅小朋友玩具幾正: 有填色/貼紙/找不同/臘筆一盒!
食飽, 我地响書店行咗一陣, 恐龍媽買咗一套教數學嘅教材立體書, 特價$30!!!
恐龍仔今日好乖! 可惜都喊咗兩次: 第一次俾入閘機夾到小手指!!! (無事無事!) 第二次係因為太攰喇, 頭仔輕輕撞扶手都喊一歺!
最後~ 由車站行返屋企嗰幾分鐘, 恐龍爸抱住瞓着咗!
都未問佢鍾唔鍾意太空館.. 佢去完海洋公園之後會唔停咁講住架!!!
後記: 恐龍仔過咗兩日仲識講, 我地太空館!
响討論區成日見到有家長問Your Baby Can Read點用, 好唔好?
等恐龍媽都總結吓啦~
恐龍仔大概响7個月開始, 就每日(weekday)朝早睇一次 (Starter - 約20分鐘): 公公睇報紙, 個孫就睇dvd! Weekend, 恐龍媽都好少播, 多數都係行公園玩吓咁…直至大概9個月左右, 接恐龍仔返屋企俾工人姨姨湊。
恐龍媽叫工人姨姨每日最多播兩次，工人姨姨就主動讀字咭俾恐龍仔聽，恐龍媽一路都唔知，直至大約一歲啦~ 恐龍仔開始認得讀某d字，開始識得見到隻字然後攞返隻小動物俾大人！好記得~佢讀”giraffe” 讀成” 自waff”.. 仲記得，嗰時佢連媽媽都未識叫!
响呢個時候，恐龍仔仲開始認ABC, 呢度又係行晨運嘅功勞! 有段時間,恐龍仔每朝都停响大堂張有屋苑英文名嘅大地毯上面認字母! 歲幾人仔~ 就咁樣搞到好多管理員都識佢喇!
跟據家長手冊(香港版先有, US版無架~) 認到第一個字之後就可以播disc 1~ 一日2-3次，响bb有精神時播，咭就要1秒1張咁flash， Starter 播兩個月後就差唔多認到字, 然後轉Disc 1, 久不久要播返之前d碟, 又1-2個月後轉disc 2, 如此類推，第5隻係Review, 長d (未試過睇得哂, 因為我地set咗每次睇電視唔超過半個鐘~)，都係久不久播吓..
工人姨姨play word card唔係flash, 佢一邊讀一邊慢慢反去後面，bb搶會隨得佢，到後期恐龍媽攞哂成套咭出嚟 (有4吋架!) 恐龍仔有耐性續一讀出嚟! 至於點玩~ 可以讀咗叫bb搵; 可以俾佢睇吓然後搵物件；仲可以玩phonics (YBCR係有少少phonics元素架!) ，恐龍媽玩過幾次 sat/pat/cat 之類，之後又試過用letter card玩過幾次，唔好理有無嗰隻字~照拼! (e.g. bat/cat/dat/fat/gat/hat/jat/kat.. ), 真係無計劃咁玩過幾次咋，恐龍仔已經能夠自己掌握到，好多時會自己讀d未見過嘅英文字，咁當然唔會啱哂啦~ 一半一半左右啦!
佢認到ybcr嘅字之後, 我地開始認其他字: 可能係書仔, 亦可能係細細張嗰d圖咭。唯一少玩嘅，係分類 (真係要動動腦根先! 睇吓佢有無興趣玩~) 。 之後，播咗一輪英文兒歌, 到恐龍仔識得跟住歌書turn the page.. 唱到好多歌, 聽到悶喇~ 先買mother goose (兩歲!) 同一時間, 恐龍媽開始買readers, 然後發現佢應該睇到 oxford reading tree 嘅level 3-4!
關於flash card~ 其實我地有一set standard size嘅card, 係响yahoo d媽媽group埋一齊搵人print架…相對依家有現成嘅買, 咁當然我地嗰set會貴好多啦! 恐龍媽都諗過二手賣返出去, 但係邊有人要呀?! 至於點解我地唔用? 因為玩嘅時間恐龍仔唔望，play嘅人好無引 (好似robot咁~) d咭太大張喇，好唔方便! 其實呢排教中文, 可以搵返出嚟睇睇.. 我估d英文佢應該識得讀大部份喇!
恐龍媽曾經响討論區見過有家長話:唔應該學認字, 學拼音就得喇! 佢仲話美國早一代學認字, 但係反而呢班小朋友大咗d英文差咗,於是有人教phonics, 之後d英文水平即係升返云云~~ 所以要教phonics先喎! (但係唔識ABC又點教letter sound呢? 定係用phonics方法順便教ABC??)又有人會問: 幾時適合學phonics~ 其實我唔明, 點解唔可以兩樣嘢都响3歲前教呢? 敏感期嘛!
協康會與理工大學為 787名 0至 6歲兒童進行小肌肉評估，再收集數據制訂了港童的小肌肉發展模式，並製作全港首套專為本地兒童而設的「香港學前兒童小肌肉發展評估」，列出 80多個不同年齡兒童能夠做到的動作，讓家長及教師作評估，以盡早發現小肌肉出現遲緩的兒童，並對症下藥作適當治療。根據評估標準，例如 6個月大嬰兒已懂得向放在前面的玩具伸手， 7至 12個月大的嬰兒則可以將一件物件放入器皿，到了約 5歲則可以在格子內寫字。
協康會高級職業治療師趙少薇指，家長往往對子女的日常起居飲食過份照顧，令幼兒的小肌肉缺乏訓練，容易到一、兩歲也沒有機會碰湯匙等食具，故稍為長大也不懂自己進食；另一方面，不少家長又會催谷學前子女參加學習班及遊戲班，但小朋友很多時未建立好基礎，就要做一些太艱深的動作，「好似 3歲前只識塗鴉，同畫簡單直橫線，如果太早逼小朋友喺格仔寫字，佢哋根本未夠力揸住支筆。」
何太的兒子今年 3歲，她自言與其他家長一樣視兒子為「金叵羅」，「由佢未起身一刻開始已經準備晒所有嘢，根本乜嘢都唔使佢做。」年多前她讓兒子參加遊戲班才發覺有問題，「佢同其他小朋友唔同，好多嘢都做唔到，或者做得唔好，好似比其他小朋友差。」
經診斷後，何太得悉兒子小肌肉發展遲緩，「初時都半信半疑，認為佢冇理由做唔到。」何太到兒子入讀幼稚園後，發現他不能與其他同學一樣自行以湯匙、叉子進食，「成班同學得佢一個揸唔到，要老師餵佢。」為怕兒子再出現其他學習問題及影響自信心，故安排他接受職業治療，現時兒子的小肌肉發展已到達正常以上的程度。
年齡： 0-6個月
部份可做的動作：用手握着搖鈴的手柄、用手掌心握着積木
年齡： 7-12個月
部份可做的動作：用雙手穩握或把玩積木、將積木放入器皿內
年齡： 13-18個月
部份可做的動作：在紙上塗鴉、能叠起兩塊或以上積木
年齡： 19-24個月
部份可做的動作：能揭開盒蓋、用匙羮從碗中舀起小粒食物放入口中
年齡： 25-30個月
部份可做的動作：能叠起八塊或以上積木、畫一條至少 5厘米長的直線
年齡： 31-36個月
部份可做的動作：懂得剪紙、用繩穿上直徑 0.8厘米的珠粒
資料來源：協康會
尋晚, 恐龍仔竟然唔肯飲奶.. 就瞓咗! 其實尋日一日都飲咗好少水... 連平時最愛嘅橙汁都唔飲, 唔知搞乜~
今朝一早, 恐龍媽問工人姨姨~恐龍仔點呀? 答案係: wake up late~
咁半夜有無起身飲奶? 無喎~~~
吓?! 成飲無醒仲要晏起身? 工人姨姨加多句: diaper is dry!
咁無飲奶, 片片應該乾嘅~
hmm~~~ 大個仔? 唔駛飲奶奶瞓覺覺? 唔好tum媽咪開心喎.. 睇多你幾日先啦!
------------
落樓, 見到成地樹葉樹枝.. 好多樹枝都被大風吹倒, 折斷.. 連根拔起! 好多斷枝被搬去網球場, 我地行咗入去睇.. 樹皮, 樹幹裡面.. 話俾恐龍仔知, 大風吹斷咗d樹呀~ 恐龍仔say sorry~
跟住~ 恐龍仔又開始跑.. 開始一路數手指一路跑!!!
仲有~ 一路數手指一路彎腰! 跳跳!!! 同埋打招呼!!!!
最近~ 恐龍仔已經可以由1數到100喇! 仲好鍾意玩手指, 數手指!!!
-------------
媽咪要返工喇!
恐龍仔自己著好鞋, 要跟埋出去.. 好啦~
行行吓.. 佢話: 我要返工!
工人姨姨話: you need to go to school first~
恐龍仔就話: I go to school!
之後.. 又講: 我要同媽咪一齊返工!
俾佢笑死~
其實都係恐龍媽唔好.. 又搞到恐龍仔病病! 今次其實係有d傷風, 好精神, 只係有少少情緒化, 食咗藥容易攰~
本來, 因為約咗朋友仔上嚟屋企搶恐龍仔d玩具, 每日問住恐龍仔, 佢都好冀望有小朋友上嚟玩.. 本來少少鼻水都算架喇, 點知尋日開始有幾聽咳!
唉~ 唔想傳染俾其他小朋友.. 唯有下次啦!
恐龍媽代表恐龍仔, 好多謝幾位媽媽嘅慰問, 佢無乜大礙~ 開學前再約過!!!!
------
其實今日都幾多事..
嫲嫲放假, 一早打俾恐龍媽話接恐龍仔去飲茶, ok啦~
中午前, 收到工人姨姨電話: 嫲嫲話bb發燒, 要帶佢睇医生!
咁幾多度呀? 無check!
好喇~電話再響: 37.2C , 無燒!
bb肯唔肯玩? 唔肯! 平時好鍾意去飲茶, 今日唔願去, 去到就話要出去! 咁到佢去超市逛吓啦~ 都無興趣! 一路要人抱!
咁好啦~ 橫掂有幾聲咳, 去睇睇都好嘅~~~
一個鐘後~~ 嫲嫲打俾恐龍媽, 話bb發燒 (無事呀! 37.2C咋!!) 好唔正常~ 竟然唔要飲茶唔要shopping..... (知喇!) 叫佢下午去睇医生 (去咗喇~) ....
hmm~~
夜晚, 成家人上嚟開歺, 又再講多兩次~~
恐龍仔見到媽媽, 好精神, 無脾氣, 都係咁鍾意自己玩~~ 係有兩聲咳囉!
大人食嘢, 小朋友都好忙.. 捐枱底! 又出又入, 無撞到, 仲認到所有人嘅臭腳!!!
都不知幾貧玩呀!
-------
好可惜, 聽日無party, 有d失望~
都未話俾恐龍仔知: 我地下個星期又可以見到Sam Sir喇! Centre未打嚟confirm交錢, 不過相信Sam Sir唔會叫恐龍仔失望嘅!
係呀~ 恐龍仔會出去佐敦上堂呀!應該會係星期日am, 時間未知~
網上搵到有用資料~ 當然要"偷"落嚟啦~~~
| |||||||||||||||||||||
| |||||||||||||||||||||
| |||||||||||||||||||||
| |||||||||||||||||||||
| |||||||||||||||||||||
| |||||||||||||||||||||
| |||||||||||||||||||||
Winnie 簡 介 ：
|
