病病恐龍 III

第四日~

朝早5:45, 恐龍仔大喊!  嘈醒哂成屋人!!! 恐龍仔係唔會扭計喊架 (食飯 or 眼瞓例外), 所以~ 大家都好擔心, 起身睇下~ 到底咩事呢? 原來係肚仔餓呀!  

病鬼唔願食, 到肚餓即係無事啦! 嘩~ 仲一口氣飲4安呀! (好多架喇, 佢呢幾日都1安起兩安止!) 食飽飽~ 繼續瞓~~~

7:30am, 起身喇, 換衫衫出街睇医生, 臨行前探多次: 38.2C, hmm~ ok 啦, provided that 差唔多12個鐘無食過退燒藥, 好大嘅進步喇!  當Mimi入房攞d嘢.. 出面有d 聲~ hmm? 一睇~~~ 不得了~

一地都係! Mimi一手抱走恐龍仔, 等工人善後, 好在個身無乜, 於是, 又換衫衫洗面面~

見到医生, 佢唔多廢話, 佢話: 鼻水唔驚, 咳就驚, 咳得耐要照肺; 嘔唔驚, 幾多次唔緊要, 脫水先驚, 要入院吊鹽水, 見佢口仔濕, 片片濕就無事~ 所以無嘢嘅, 入院都無用! 不過睇佢今次呼吸急咗, 雖然依家個肺無事, 但唔可以咳咁耐架...

未攞藥, Mimi就走喇, 要返工呀! 点知Mimi無放低$$, 医生開咗d貴藥(antibiotics), 要加$30 呀~ 唯有過兩日先啦, 有拖無欠!

恐龍仔返到屋企食奶奶藥藥, 然後就瞓~瞓~瞓~ 工人嘈咗佢幾次 (唔想拍醒佢), 終於, 瞓咗4個鐘! 勁呀~

工人話, 恐龍仔6pm食咗大半碗粥, 好乖, 無再嘔喇~

到Mimi 食飯, 恐龍仔就洗白白, 然後食藥~~~ 嚇c人咩~ 有6樽藥呀!

 Mimi 叫收埋兩支退燒藥, 都仲有4隻要食呀.... 見到都想喊!

好喇~ 又係我地嘅bedtime routine, 响大床玩一陣, 然後熄燈~飲奶~覺覺! 但係知道恐龍仔唔肚餓, 開3安奶啦~ sorry, 飲得安幾咋, 然後自己瞓咗响pillow上面.. 想瞓樣! 奶咀? 有~ 不過阻住恐龍仔咳, 攞住响手一樣啦! 就咁, 响d藥力未發揮之前, 自己瞓着咗喇~ 如果晚晚咁易瞓就好喇!

呢隻係Mimi恨咗好耐嘅兔仔, 兩年都有lu~ 起初babi話成屋Miffy, 再買都係打入冷宮; 有一日, babi話如果有得賣嘅話就帶佢返屋企啦~sorry, 當日缺貨! 今次, Mimi話係買俾恐龍仔架! 恐龍仔見到咁可愛嘅兔仔, 當然開心啦!

睇嚟~ 要介奶咀應該唔難~