恐龍仔第一次去沙灘~

落咗幾個星期雨, 端午節之後嘅呢日, 陽光普照~

媽咪咪想帶恐龍仔去沙灘~經過同爸B一輪商議, 決定下午走清水灣 (交通方便d呀!)

本來諗住恐龍仔會喺巴士度瞓~~ 点知, 佢全程周圍望, 後尾仲唔肯坐, 要落地!!!

去到大清水, 好多人呀! 我地揾到一個小角落放袋袋, 換過甲蟲戰衣, 就飛身落水喇!!! 沙? 駛乜驚呀!

首先, 响水邊行, 揾個安全嘅地方落腳~~ 但係, 佢好想"游水"呀! 可惜爸B媽咪無準備落水~~

好喇~ 坐低先~~

你睇~ d浪嚟緊喇!! HAHAHAHA~~ 無諗過, 恐龍仔會咁開心~

玩咗一輪浪, 到玩沙喇! hmm~~ 好味道!!

恐龍仔俾爸B埋咗對腳仔呀~

佢仲會自己搬沙~~ d沙好滑呀!

响沙灘, 好多人話呢隻甲蟲好可愛, 我地仲同一個3-4歲哥哥撞衫呀!

最後, 玩咗一個鐘, 諗住行返去揾袋袋~ 恐龍仔執咗兩舊石頭唔放, 於是就帶埋返屋企~

~5pm左右就回程, 响車上面終於小睡半粒鐘!