病病恐龍

呢兩日Mimi唔得閒寫blog~ 因為恐龍仔病咗!

話說~ 爺爺咳咗兩個星期都有喇, 恐龍仔行出行入, 唔中招就奇喇!

尋日朝39C, 睇咗医生, 工人話恐龍仔無扭計, Mimi放心遊船河!

今朝, 一摸~ 仲熱過尋日, 食住藥都燒到40C!!!! 不得了! 於是飛的去仁安睇急症! 医生話喉嚨好腫, 開d消炎藥&加重退燒藥啦! 医生仲問Mimi想唔想入院check清楚~ Mimi一聽到要抽血... 就當然睇定d先啦!

差d唔記得講, 恐龍仔咳聲帶痰, 仲好多咁, 同爺爺一樣!

爺爺見到恐龍仔, 就話: 無事呀! 仲好精神呀!

(Mimi唔知点應好~~ 無事就唔駛睇e生, 有事又唔會返到屋企~ 咁~即係有無事呀?!)

朝早, 已經發覺恐龍仔唔想食奶/飲水, 衰豬仲唔肯瞓覺!!!  10:30am, 終於不支~~

中午瞓醒, 恐龍仔好乖~ 食咗大半碗稀粥, 不過, 可惜餵藥時嘔返哂出嚟! 最後, 餵咗三次藥, 但係, 有一隻話要飽肚食... 於是試下飲d奶奶啦~~~ 1oz咁多啦!

又瞓醒, 今次Mimi醒目, 餵咗半碗粥就收手, 跟住過一個半鐘, 等d粥落咗格先再餵藥, 呢次好順利, 不過, 退咗成日嘅燒又返嚟喇!  唉~ 無乜嘢可以做~ 瞓啦BB~ 唔瞓覺豬唔會好架!

但係, 一個鐘頭已經咳醒兩次, 抱住ok, 放返落床就周身郁!

今日總共餵咗4-5 oz 奶, 2-3 oz 水, 医生仲話飲多d水~ 唉~

恐龍仔乖乖~ 快d好返.. 睇怕今晚工人又無得瞓喇!