一日游兩場水~~ 攞命呀!

天晴, 炎熱嘅一日~

一早, 係最後一堂嘅親子游泳班, 改咗好多次期, 終於上哂喇! 同之前一樣, 恐龍仔好鍾意玩水, 玩得好開心!

等恐龍仔瞓醒覺, Mimi 帶埋工人姨姨一齊向elmolly姨姨屋企出發! 我地去深井要轉兩次車, 每次都等咗好耐先有車, 去到深井都三点幾喇! 响elmolly姨姨度, 我地食咗奶奶, 就同Andrea 打咗一陣交! 係~~ 兩隻BB大打出手!  (作為一個正常嘅媽媽~ Mimi無影到相, 只係一而再咁分開佢地)

事情, 係咁嘅..

飲完奶嘅恐龍仔, 走咗去地墊度玩Andrea嘅玩具, 同時, 手上有兩罐Gerber嘅Apple Sauce.  恐龍仔玩下玩下, 竟然向Andrea嘅身邊~ throw~ 應該唔係咁大力嘅.. 但係, Andrea 好似有d不滿, 佢見到恐龍仔玩乜搶乜, 之後攞住個剷起勢咁車落恐龍度, 恐龍就搵手打Andrea... 雖然Mimi有stop佢地, 但係轉個頭呢兩隻嘢又嚟過~~~ 唉~~  

 

响沙灘, 我地無乜点玩水, 因為d沙好粗, d水好似唔多乾淨~~

不過都坐咗一陣船船~~

之後, 我地去咗d沙幼dd嘅地段~~

 

 

 

恐龍仔已經攰到吽哂, 自己响樹搬沙... 無理其他人. 

 

搬到咁上下, 我地大約六点準備離開, 但係排隊沖身期間, 恐龍仔就開始扭計, 鬼咩~ 咁多個鐘頭無瞓過, Mimi知道你好攰架! 

好多謝elmolly姨姨車我地一程去到佢屋企樓下, call埋的士送我地幾個瘟神走~ 恐龍仔响的士度玩咗一陣就呆哂, 跟手就瞓着咗喇!

返到屋企七点幾, 恐龍仔洗完白白食埋奶奶就做瞓覺豬仔喇!

Mimi呢兩日自己帶恐龍仔去街街~ 攰到想c, 對手好痛呀!!!!