世界很美~ 只因有你

今日好唔老黎~

恐龍仔am唔肯瞓~
出街飲茶要等位, 因為恐龍夠鐘食lunch, 恐龍爸B叫我响商場長櫈餵仔 (佢好乖, 無乜扭) 不過俾個超惡嘅婆婆鬧, 話張櫈坐3個人(不過佢係第四個), 叫我坐過d, c開個蘿 (我要打側坐至餵到仔架!)
我見恐龍仔食得好好地~ 無理由走架... 佢唔停咁鬧~ 最後另外一邊個阿婆走佢至收聲, 但係仲要搵傘車咗我一嘢先安樂!

嬲得我呀!
跟住隻衰豬上到酒樓就扭眼瞓計! 我地原本想返去至俾佢瞓.. 最後 c6抱住佢唱歌跳舞~ 5min

我地無攞車仔出去~ 要抱住佢~ 無得食!

恐龍仔大昏迷到3:40pm, 俾我整醒去playgroup, 呢次係奧海一期! 我仲以為响旺角火車站去好方便, 点知方便嘅係二期! 行好遠, 仲以為會遲到~~ 点知.. 係得恐龍仔一隻B?!?!?!

playgroup無乜特別, 上完就去風月堂開歺~~ 恐龍仔唔肯食粥仔呀 (同今朝嗰歺係一樣架!) 唔食就算, 食歺包啦!

今日最開心時刻:

話說我個定食有d生果跟埋, 我搵支叉吉咗塊西瓜俾恐龍仔食, 佢細細啖"梅"咗一下唔願咬嚟食, 竟然想捉住隻叉, 好啦~ 由你喇! 佢送塊西瓜去我度, 好大聲咁~   "umm~~", 咁我唯有好聽話咁 umm~ 一細啖! 輪到佢, 又係咁依"梅"下.. 然後pass俾我 umm~

如是者, 塊西瓜俾我食哂~ 佢無乜点食過, 不過就笑c我! 佢見我食, 佢umm~得好開心

甜品係我好懷念嘅雪糕waffle~ 恐龍仔一隻b食哂我嗰份!  下次要散叫喇!

其實佢今日唔多夠瞓, 返歸途中都係過度活躍, 停唔到落嚟.. 洗完白白食完奶奶就

 

就係咁~d唔開心走哂~~ 可能遲d我d EQ會好高都唔定!