大戰恐龍 之 body parts

媽咪放工返到屋企, 六点半~ 恐龍仔瞓緊覺!!!  (今晚唔駛瞓啦!) 好在佢好快就俾媽咪嘈醒咗喇!

今日好特別, 無哂人~ 剩返媽咪, 工人姨姨同恐龍仔!

媽咪見個TV 難得free, 諗住播Baby Einstein, 攞起咗隻Da Vinci... 無幾耐, 姨姨開飯.. 一路睇一路食!

原來Da Vinci係講body parts架! 一路睇.. 先發覺恐龍仔識得指指 ear, nose, mouth喇! 姨姨話仲有tongue & head! 係喎~~ 都識喎! 跟住, 播咗支歌仔, 係恐龍仔好熟嘅 Head & shoulders, knees & toes~~ 佢一路聽一路笑~~

突然, 媽咪問: where's toes?

恐龍仔摸咗下腳仔~ 啱喇!

講咗咁耐, 好似無提過碗飯仔! 係呀~ 玩得咁開心, 仲駛食飯?! 

於是, 媽咪pause咗隻dvd, 要恐龍食飯! 佢不停咁扁咀+喊"無喇"! 媽咪同佢講咗一輪故~   恐龍仔就扭咗一輪計~~

               

最後, off 咗個tv, 抱住恐龍仔等姨姨繼續餵, 媽咪又唱歌又跳舞, 恐龍仔肯食喇! 姨姨突然醒起恐龍仔至愛嘅~ kindermusik歌仔cd! 於是開咗個cd機, 繼續唱歌跳舞食mum mum!

餵恐龍食mum, 真係好辛苦! 佢大啖d都會bu返出嚟架! 叫咗工人煮粥仔, 兩日又變返飯仔 都唔知搞乜!

到嫲嫲返嚟, 恐龍仔又表演多一次! haha~ 叻叻!