牛牛愛游水！

上個星期見到有屋苑住客組游水班，於是幫牛牛報咗名，同另外兩個3歲小朋友一齊學游水。

牛牛未出發先興奮，哥哥尋日學游水時已經話要落水，到今日見到水喇... 佢係飛身埋去！自己想跳落水！嚇c人~~~

到見到教練，响岸上熱身，佢就成日行去池邊...
到落水喇，.要跳水，佢就連手仔都郁埋一份，真係游水咁嘅樣！

笑c人！

飲咗幾啖水都無有怕！繼續膽粗粗咁~

唔知會唔會好快學識呢？！

我會用鹽… 醃酸甜青瓜

又係一年一度嘅大project~~~
今次主題係：鹽
而小朋友要做一份：我會用鹽…嘅親子小活動

我地揀咗整嘢食！

材料：

• 青瓜 2條 約 170克
  
• 白醋 半杯
  
• 白糖 半杯
  
• 鹽 1茶匙

做法：

1.  把青瓜洗淨，切去頭尾。直向切半，用匙羹把中間的籽刮去，切成幼條。

 

2.  放入一盤中，下 1茶匙鹽拌勻青瓜。醃約 10至 15分鐘。然後用水沖洗。瀝乾水份，用廚房紙抹乾。放入雪櫃中，冷藏 20分鐘。

3.    與此同時，在不銹鋼鍋中，放下醋和糖，用中慢火，把糖煮溶。熄火，完全放涼。

4.  從雪櫃拿出青瓜，放入放涼的醋和糖混合物中。最好用玻璃器皿盛著，放入雪櫃中，醃 1至 2小時，即成。

 

完成了！讓我先試試味道…唔~好脆呀！

後面突然閃來一個身影~

 

不得了！有好東西甚會少得了貪吃的弟弟呢？！

~Yummy~

食譜來源：  醃酸甜青瓜【開胃拌菜】 Sweet and Sour Cucumber

更多内容: http://www.christinesrecipes.com/2010/07/sweet-and-sour-cucumber.html#ixzz2Rcqa9mD6

香港圍棋聯賽~第二回合

呢個聯賽係玩足一年嘅，棋會自己搞嘅賽事。

分三個回合。

有日院長叫恐龍仔去參加，佢幫我地同一位小四嘅哥哥，同埋都係幼稚園嘅妹妹，編埋一隊。
佢地參加嘅係初級比賽。

第一回合參加到下半場，計少一個分，8隊當中排第7。


第二回合，上下半場都係贏2輸1(隊成績)，無諗到，其實呢個成績係非常好！

本來諗住玩完就走，點知..
一睇計分表~~~ 第二！！！

咁利害？！兩個全場最細嘅幼稚園生竟然勝出！

咁~為咗攞佢返屋企，唯有餓住個肚等一陣啦！

呢個唔係豬肉獎啦~ 雖然，圍棋同恐龍媽熟識嘅橋牌一樣，成日都有比賽，對佢地嚟講，係一個game！

其實恐龍仔下半場3局全勝，自己走去讓對手3子都贏！連院長都話佢地呢隊好勁！


哥哥咁叻，都要多謝到場打氣嘅牛牛！佢簡直當會場係遊樂場一樣！媽媽要睇住兩隻仔，都唔容易呀~

回魂夜

傻孩子喚着：這是給爺爺的！

 然後努力地往枱上堆着他要給爺爺送的小禮物：心愛的小魚、一段賀年歌的歌詞、剪紙手工...

令我想起新年時爺爺看着孫兒載歌載舞的唱着從學校學到的賀年歌，以及拿着孫兒的小手工時，臉上掛着的笑容...
看得我心酸！

 當眾人到齊吃飯時，這孩子躲起來默默地哭...

放心，爺爺回來時必會看到你給爺爺的小禮物！

 孩子，你永遠是爺爺的小天使！

綠茶紅豆蛋卷

早前响團購買落嘅整餅班，終於都去咗上堂喇！

呢次，我買咗兩個項目，3月已經上咗個手搓面包，但因為另一個cup cake班一路book唔到，到佢有期俾我就撞正我個蛋卷班！
於是，唯有要求蛋卷改期啦~
店主好好人，改到，終於今晚上堂喇！

其實好鍾意呢個老師，佢講嘢好實際，教嘅嘢好實用，係唔會返到屋企無機會整嘅嘢！就好似上次我揀包包咁~我發覺淨睇書唔係幾得，想聽吓實際有經驗人士講解，又可以問吓嘢，攞多d心得嘛~
導師原來以前做家政科老師，佢仲會教中西餐添！
佢提到遲d有教包糉！好想學呀！

咁，呢個蛋卷班又真係幾好！

個紅豆cream好好味，唔太甜，又教到個技巧喎~ 不過呢條嘢都幾長，如果自己整，我會整短d，唔駛食幾日~食極都係嗰味咁！
hehe~

驚自己唔見咗個食譜，都係抄低先...
材料 (蛋糕):
蛋黃 80g
糖 30g
植物油 60g
牛奶 80g
麪粉 80g
泡打粉 1茶匙
綠茶/可可粉  8g

蛋白 120g
糖 50g

材料 (紅豆忌廉)
淡忌廉 100ml
紅豆/栗子蓉  100g

做法:
(1) preheat  160-180度
(2) 打蛋白，可以加少許鹽，糖分2-3次加入，打至企身
(3) 打蛋黃，順序加糖、牛奶、油，拌均，再加粉
(4) 分幾次，mix (3) into (2)
(5) 準備繪花蛋糕漿，放擠袋，按牛油紙花紋擠出粉糊，入爐焗1分鐘
(6) 將餘下粉糊倒入，掃平，焗15分鐘
(7)倒扣，除底紙，卷成e形，放涼
(8) 打起淡忌廉，加紅豆/栗子蓉  (可先打好忌廉，放入雪櫃待用)
(9) 塗上忌廉，把蛋糕卷起，用保鮮紙包緊，定形。

香港。泰國圍棋精英賽

呢次係恐龍仔第二次參加比賽 (第一個比賽係全年性比賽，已經去咗兩次，嚟緊呢個星期第三次)，係一個全日5回合嘅分齡比賽，恐龍仔屬於7歲以下組別。



唔好睇個名好似好勁咁，其實係交流嘅一種，主辦嘅係香港同泰國個別棋會，對於恐龍仔，係一個GAME~ 而好特別嘅係，圍棋game會有獎攞，作為一個無特別去儲"閃咭"嘅小朋友嚟讀，有獎攞已經好特別！估唔到俾錢去玩一日，都有紀念品攞番！哈哈~


其實7歲以下呢組係無泰國參賽者架 (咁細個，我地都唔會放心俾佢跟團出國啦！)，所以賽事中有8個名次有獎之下...
絕對係豬肉大獎！
不過都想讚吓佢，除咗一路自言自語，同埋掃棋之外，坐足一日對於幾歲人仔嚟講，真係唔易！
同埋都叫有贏有輸，中游成績，對俾錢嘅爸媽都叫有個交代！

恐龍仔係由舊年暑期响暑期班接觸到圍棋，跟住自己話要學，由9月參加現時嘅棋院到目前4月，都有7-8個月喇！
復活節假，俾佢玩咗3個半日"習訓"，聽佢講，棋力由之前嘅25，升到23喇！
有進步，當然開心啦~
不過原來棋力呢樣嘢，要升都唔係好難，只要响有director嘅情況下，贏兩局就升一級。

爺爺有沒有穿西裝

爺爺有沒有穿西裝？
Hat Opa einen Anzug an?

• 作者：艾蜜麗‧弗利德/文，傑基‧格萊希/圖
• 原文作者：Amelie Fried
• 譯者：張莉莉
• 出版社：格林文化
• 出版日期： 1999年09月30日
• 
  語言： 繁體中文
  
  ISBN： 9577452337
  
• 裝訂： 精裝

　　布魯諾很喜歡他的爺爺。爺爺告訴他、教會他很多事情。但是現在爺爺去世了。沙飛說「他在墳地。」爸爸又說「他在天堂。」一個人分身兩地是不可能的事
情。如果布魯諾還能問爺爺的話，那該有多好！布魯諾很生氣，也很悲傷。每晚在睡前他會端詳爺爺的照片，和他談話聊天。每當認真的想爺爺，爺爺就好像從遠處
在對他微笑……



今年清明節半夜，收到嫲嫲來電... 爺爺不適，剛進醫院，急症安排上病房，醫生還未來做檢查，爺爺就走了！
之後，爸爸連日往醫院辦事，恐龍仔好奇地問爸爸到底去辦什麼事？
媽媽只說：為爺爺辦事
恐龍仔：爺爺幾時出院？
媽媽想了想：爺爺不會再"出院"了...

這孩子出生後，就和爺爺住在一起，直至兩歲時爺爺嫲嫲才搬走，那時爺爺剛開始要洗肚不久，家中太多針藥，很怕頑皮的孩子為爺爺添麻煩！

在面書留言：  下一個挑戰：如何處理小朋友可能出現嘅情緒問題！
朋友介紹了這書給我，到圖書館借了，還未有機會給大孩子讀故事...

頭七那天，爸爸給他說了一次...
這孩子已經哭了幾遍~

提早切西瓜蛋糕！

因為牛牛正日生日當晚，爸爸要返學，所以我地決定提早切蛋糕喇！

我家牛牛對蛋糕無乜興趣，但見到蠟燭就超興奮，之前媽咪見到BK有人整西瓜蛋糕，就覺得好啱牛牛喇！
今晚放工就趕去買西瓜，同埋睇吓有乜生果做裝飾，見到可愛嘅楊桃就好開心，相信應該幾靚靚！

一如所料，牛牛見到蛋糕好興奮，自己已經唱生日歌喇！
可惜有個哥哥走埋嚟爭住吹蠟燭！於是又要點過...曳豬！

 

平時好高要求嘅恐龍爸都讚個蛋糕好靚呀！嘻嘻~

之後，我地拆禮物！兩兄弟等咗好幾日，終於可以玩喇！
最終，牛牛只係食咗少少西瓜同楊桃，因為間屋嘅吸引力實在太大喇！
兩兄弟都好鍾意呢間大屋呀！


牛牛，媽媽祝你身體健康，開開心心！唔好太過揀飲擇食呀！

新鮮出爐牛油曲奇！

話說，牛牛唔鍾意食媽媽整嘅糕點。每次只有哥哥食~

早幾日，媽媽用angry bird模整咗d小蛋糕，牛牛玩咗一大輪，終於肯試食，仲成隻豬豬食哂！

今日，媽媽襯小朋友各自忙緊，就自己試整曲奇，點解係試呢？因為次次都唔成功"cup"個模囉！
今次經過失敗之後，終於俾我搞掂喇！！！

整好餅，就問小朋友要唔要畫畫呀？
兩隻嘢不知幾鍾意！哈哈~


畫完，牛牛又係攞住玩唔食！

而哥哥呢？好鍾意食，仲要同牛牛迫埋一齊食 (其實牛牛好想趕佢走！)

終於，呢隻牛玩夠喇！睇吓佢食到個樣~幾甜呀！


開心c媽媽喇！

哥哥見到媽媽咁開心，就話：我幾時都覺得你整嘅嘢好食架啦！

我知道你乖~不過睇見牛牛食得咁開心....


~小插曲~
生日會嘅小主角~皇帝豬~一早已被發現漏氣，今早更加出現唔上唔落半天飄
於是~ 就放咗隻豬隨佢飄，兩隻人仔見到好開心！

當開爐焗嘢之後，一路無熄抽氣扇，呢隻豬就自己走入廚房，咁當然俾媽媽鬧返出嚟啦！(係熄抽氣扇至啱！)

估唔到佢知衰，自己走去大門罰企！牛牛仲幫佢數一至二十！

呢次應該係最開心嘅一次罰企喇...