今日，係恐龍仔攞成績表嘅大日子！
媽媽準備咗幾條問題，包括，我地欠咗d乜而攞唔到優異獎！係呀~ 事前，恐龍仔已經話自己攞唔到優異獎架喇！媽媽亦收到風，每班得4個優異獎。
見到班主任，第一時間俾咗成績表恐龍爸媽睇.. 老師一邊讚恐龍仔有進步，識得守紀律...
一睇~ 有兩個獎？！
老師解釋：佢成日畫花我d功課，我都好想俾個優異獎佢，但係又過唔到自己嗰關... 其實勤學獎都係全班得4個架咋！
媽媽即時諗起霖霖媽媽，佢已經話我地d功課唔應該做成咁...媽媽應該多花時間，要小朋友做得整齊d~~
老師仲一再強調，呢隻仔好有潛力，可以做好d架！
响老師面前，我地又再次肯定、讚許恐龍仔嘅進步，希望佢可以繼續做隻乖乖豬啦！
恐龍媽一直覺得，小朋友係應該學識做功課係自己嘅責任，媽媽只會檢查一吓做完未，提點不足，如果小朋友唔願改正，就等老師俾低d分囉~~~
但係眼見小一入學競爭咁大，都係要睇睇功課，出年攞返個優異獎同校長信安全d..
恐龍仔真係叻仔！出年一定可以攞埋 優異獎呢！加油！ 星仔學校好似無呢啲獎！
回覆刪除[版主回覆07/11/2011 15:35:00]多謝你呀！老師~ 我有時都唔知應該點栽培呢個仔..
我地升B班。你應該升C班？聽穎穎媽講的。
回覆刪除[版主回覆08/09/2011 16:46:00]係呀~ 無哂d朋友仔！