搬屋大日子

一早醒咗，開始勞動：安排好牛牛去婆婆屋企避難，執埋d手尾.. 打去叫外賣早餐..

呢次係我第一次搬屋，用嘅係朋友介紹嘅搬屋公司，我地揾咗3間問價，呢間最平，本來恐龍爸話唔好揾間最平嘅，不過朋友用過又OK，就算啦！(另外報價最貴嗰間，話我地要兩架車，$4500，但朋友60箱嘢，佢地報$3000！勁兒戲！)

眼見~ 負責聯絡嗰位哥哥好後生，佢地手腳好快，好小心，好高效率！我地仲响後面包~包~包，佢地用咗一個鐘就清哂場，d什物多到幾乎爆車！總數~40箱+15大袋，仲有d零碎雜物。

哥哥唔係出出入入搞搞震，就係自己一個睇書！中午食完飯，就被打發出街玩，唔俾上樓！因為太多什物喇！等大人清理一下現場先啦！

最後，叫做清咗一半嘢，搞掂廚房 (好細呀！！！) 床同浴室，解決基本需求，就~ 瞓覺喇！