新梳化

新梳化落地幾日，兩隻仔好忙咁又爬又跳！
媽媽就好忙咁捉牛！

呢一晚，因為爸爸終於攞咗相機出嚟，我地終於可以影低傻牛牛有幾傻喇！

基本上，佢一上去就好興奮，唔扶嘢就咁行嚟行去！好驚！
呀~牛牛呢幾日可以自己行好多步喇！今朝落公園仔，自己行得好遠添！邊行邊笑..

咁哥哥呢？

佢都真係好鍾意嗰套智高FUN咁喎.. 好努力咁玩！等牛牛瞓咗，我地玩兒童科學今期個彈彈玻啦！

牛牛呢？唔爬梳化，就努力咁玩呢個扭扭玩具，仲未扭到第二下呀！