今年，係第一次帶恐龍仔入場行書展！媽媽當然好驚啦~ 最驚係甩繩，其次係話攰要抱！
於是，事前約法三章：(1)要自己行，無得抱 (2)要跟實/拖實媽媽，唔可以自己走咗去 (3) 只有$100揀自己想買嘅書，再多嘅.. 要扣印仔！
去到灣仔，恐龍仔已經急不及待要帶路：媽咪~呢邊呀！
仔呀~ 媽咪要帶你去特別通道呀~專俾小朋友行嘅通道！
十點正去到，順利買票入場，人唔多.. 第一站: 新雅！
今年恐龍媽攞唔到75折卷，又咁多年都未入會，所以，只得8折！恐龍仔一手已經抱實兩本CARS！ 另外，我地仲買咗兩套圖字咭俾牛牛 (蔬菜水果、動物世界)，d圖好靚，唔係太細張，一面字一面圖，美中不足嘅~係台灣貨，唔係用香港式中文 e.g. 熊貓 vs 貓熊！三文治 vs 三明治！
同個後生女售貨員講：我都係唔要全套喇 (成套有十個主題架！)因為係用台灣中文。
佢話：唔係呀！
小姐，我唔係話佢有台灣注音呀！
另外，推介：你是我的奇跡！一本媽媽講故事時嘅好書，一定好感動 (自己喎~ 唔係個仔！ 哈哈~)
仲有~ 親子營養大作戰~~ 係講唔同嘅營養架！
第二站~ 小樹苗
中文書： 兩本口袋裝嘅謎語書；找不同；左腦IQ up up (4-5歲)-- 恐龍仔好鍾意！
仲有摺紙書，左/右腦開發訓練營；仲有媽媽至愛： 60創意科學遊戲！其實有3本差唔多嘅書，我地買咗最淺嗰本，但其實有本深少少嘅，一樣價錢 ($140)仲攞咗好多獎添架！不過... 如果大少唔鍾意就煩喇！都係唔好買咁深住！
好喇~ 10本，75折！
再行~ 發現小樹苗有一個小角，有英文書！第一睇見到嘅係Brain Quest! 售貨員哥哥話"買3本就7折" 嘩！好抵呀！
我地仲揀咗8本readers ($100 for 4)
差唔多喇，車仔就滿喇...
俾恐龍仔見到logico 同埋智高FUN~
恐龍媽見識過logico, 恐龍仔好鍾意，但係好似淺咗d... 但智高FUN呢~好似由淺入深喎！
玩咗好耐.. 雖然話買哂兩套再平$200，不過都係算喇！因為恐龍媽知道有達地方賣logico平好多！哈哈~
不過~ 智高FUN有個缺點，就係有losing parts, 恐龍仔返到屋企玩幾玩就已經.. 無咗兩塊！雖然... 話兩年內包換啫，都煩架！
其他，仲隨便買咗幾本學林嘅練習書 ($100 for 5)
再隨便逛逛，揾唔到舊年賣日文書嘅檔口 ，唔記得去揾<基礎漢字500> (失敗！) 恐龍仔基本上見到玩具就停低唔願走！
場中，各大貴價教材都有參展，其中English times嘅sales問恐龍媽：想唔想小朋友自己讀書呀？
已經係啦！(仲要唔駛買你嗰d幾萬蚊嘅教材添呀！)
如果，可以自己一個去多一次就好喇！
恐龍媽你好呀, Auntie 個女同牛牛差唔多大, 我都打算後日去書展, 想問下你咩書推介呢? 你知啦, 書展一年得一次, 我想買多少少俾佢未來一年用, 但係又唔知應該揀o的咩類型o既... (e.g. 立體書? 字咭? 德育類書? 英文書? 可以貼貼字o既書? 發聲教材?) 另外, 想問你知唔知有冇關於聖經o既故事書呀?
回覆刪除[版主回覆07/21/2011 11:33:00]你好呀~
立體書(得一檔多d選擇)同字咭(新雅)都啱呢個年紀嘅小朋友，德育要大少少，兩歲多先會明多d喎~ 貼字書都係，不過呢~ 兩歲左右都應該玩到貼紙架喇！我個人唔鍾意電子嘢，有朋友去睇讀字嘅筆 (唔識點叫~ 哈哈) 但係我真係有得留..
聖經一定有！不過未必响小朋友書嗰邊，可能响宗教嗰邊~
我都去咗啦, 真係大出血, 不過啱程度嘅brain quest 賣哂啦!! 你話邊度賣logico平好多? 我都有興趣喎, thanks.
回覆刪除[版主回覆07/22/2011 14:19:00]Sam Sir嗰度呀！應該唔過一千，等我買咗再報料！
恐龍媽,你自己有無教恐龍仔Phonics?我想在書展找一套合適的Phonics教材(for 升k2小朋友),有無好推介?
回覆刪除[版主回覆07/22/2011 14:21:00]無無特別用教材教呀，都係用letter cards玩過，又買過usborne嘅phonics reader囉。我都唔清楚其他教材..
logico 同埋智高FUN -- Which one is better ?? And where can I buy them cheaper ?? Thanks.
回覆刪除[版主回覆07/22/2011 14:24:00]好難講which one is better. logico 無losing parts, 一板要答嘅問題少d (level 1: 5-6 vs 16)，比較生活d (有圖幫助) 淺d，分多d level, 加埋就貴好多！
我揀智高fun，係俾恐龍仔玩嘅，深d，真係玩到6-7歲都無問題！
可以考慮帶埋個小朋友去玩吓，就知有乜分別喇！
我喺兒童館由十一點行到七點，咁都遇唔到你嘅？！
回覆刪除[版主回覆07/24/2011 06:30:00]點解可以行咁耐架？！
個人八卦加上新手係咁嫁喇
回覆刪除[版主回覆07/24/2011 15:50:00]哈哈~你好有心機呀！俾我~ 攰c咗喇！