古惑仔!

一個三歲幾嘅小朋友, 記性驚人! 仲要有d小聰明... 麻煩!

尋晚, 恐龍仔都算乖, 去到最後嗰3幾啖.. 見到媽媽返到屋企先放慢..

因為朝早應承咗有一個乖乖豬印, 於是媽媽攞個印仔出嚟啦... 印完, 轉身~ 發現有人仔做咗d唔應該做嘅嘢: 自己印呀!!!

你知唔知咁樣唔啱架?!  知道~

咁你話俾媽媽聽點罰你好呀?  hmm~~

不如咁啦~ 你聽朝乖乖食早餐啦! 就當係獎你乖乖食早餐嘅~ 好呀!

哪~ 咁你應承咗媽媽架喇.. 我地鉤手指尾...

咁乖豬~ 如果你真係自己咁叻叻食早餐嘅話, 我再獎你多一個"守諾言"印印啦!

好呀~

今朝, 媽媽起身梳洗之後, 發現呢個人仔已經換緊衫, 一見到媽媽就問攞早餐食!!!

佢自己揀咗個腸仔麭.. 自己食! 完全唔駛人催促! 到食咗一半, 媽媽又去攞印仔..

恐龍仔問: 係咪再獎多一個俾我呀?

媽媽: 見你今日咁乖, 獎一個"守諾言"印仔啦~

我要多一個呀~~~

唔得! 你今晚乖乖先啦~~~

呢個時候, 媽媽俾咗印仔.. 有人就停哂手停埋口~~ 唔再食喇!!!

咩人嚟架~ 咁古惑架!!!!