上個星期五, 貪玩嘅恐龍仔一落校車就除外套, 雖然係幾步路, 但就咁就吹親喇! 當晚已經唔停咁咳..
媽媽攞咗kid's kit出嚟, 試咗Ferrum Phos, 隔20分鐘左右一次, 兩次之後.. 神奇地唔再咳! 過咗一個寧靜嘅晚上!
第二朝起身, 又咳返! 呢次食相同嘅療劑無效, 咁啱朋友介紹咗個用開嘅朋友俾我, 佢仲話我知有講座聽.. 返到屋企, 乜都幫佢唔到, 打咗俾治療師, 佢話會幫我買藥~
恐龍仔臨瞓無乜點咳, 呼吸開始急促! 半夜喊醒, 本來唔肯吸氣嘅, 最後俾恐龍爸搞掂咗~ 之後好快瞓返~ 無事!
第二朝, 無乜特別, 好咗好多啦~
黃昏先有機會俾恐龍仔食療劑, 夜晚唔係點咳, 亦唔係好喘, 不過個身唔舒服, 成晚醒!!!
希望之後好好調理好身體, 仲有排凍呀! 仔呀~ 唔好再嚟喇!
沒有留言:
發佈留言