好驚險呀!!!!

今晚如常咁~ 媽媽帶住兩隻仔去火車站接爸爸放工。

我地一家返到屋企門口, A單位嘅叔叔同姨姨開門要請恐龍仔食糖! (隻仔成日敲門問人攞糖食! ) 傾傾吓計.. 大門閂埋咗.. 原來係會自動上鎖嘅..

咁啱~ 裡面煲緊水

咁啱~ 工人放咗假

咁啱~ 老爺爺响房瞓緊覺 (佢一瞓就乜都聽唔到架!)

咁點算好呢?  叔叔好心急, 嘗試撞門!

姨姨打電話俾工人, 叫佢飛的士啦.. (但係司機先生唔理佢, 唔肯開快d, 又唔多識路)

恐龍爸打電話落保安, 睇吓有無開鎖佬電話 (可惜阿開鎖佬8pm就收工喇!)

咁點好呢?! 屋主叔叔打999求救!

氣氛唔多好~~~ 等呀等~ 消防員到喇, 3幾分鐘就開咗門, 差唔多時候, 工人返到!

門打開咗, 成屋都係煙!!!

當警察同消防做佢地要做嘅嘢嘅同時.. 老爺爺走咗出廳坐 (佢有d老人痴呆架~) 好彩無事咋!!!

門爛咗~ 要造過新嘅, 年尾流流, 屋主話d大陸廠收哂爐喇! 要過咗年先有新門!  不過~ 好在老人家無事, 其他裝修都無事! 如果唔係, 損失仲大呢~

呢件事.. 恐龍家深表歉意! 真係好過意唔去!