~ 恐龍家 ~ : 1月 2011

2011年1月31日星期一

可憐的Elmo~

同牛牛落街, 帶埋Elmo去..

牛牛一路玩住Elmo, 好happy~

左手捉住轉右手, 再轉左手..又轉轉右

跟住.. 甩手.. 佢識得捉住條繩拉波波落嚟..

跟手.. squeeze人地塊面!!! 痛痛!!!

2011年1月30日星期日

正視幼兒沉迷電子遊戲的問題.

中文大學一項研究顯示，本港幼稚園學童患近視的比例，十年間升了接近兩倍。要是家長不及早正視幼兒沉迷電子遊戲的問題，稚齡近視問題恐怕會進一步惡化。

根據這項在三、四年前進行的調查，本港差不多每十六個幼稚園學生就有一個要戴近視眼鏡，這些稚齡「四眼仔女」平均近視度數達二百二十二度。有眼科醫生指出，近年有求診的幼稚園高班生近視竟超過六百度。

　　以前很難在幼稚園找到戴眼鏡的學童，現在平均每班有一、兩個；以前年紀這麼小就有近視，大都是由於遺傳，現在則主要是後天不良習慣形成。

　　本港近視人口比較多，中壯年一代多是由於看書或看電視太近和太久。這兩種習慣，幼兒較少沾染，一來尚未培養出閱讀興趣，二來家長較容易控制這個年紀的小孩，保持相當距離看電視。

　　娛樂變對眼睛勞役

　　電腦和電子遊戲卻大不相同，本身就採用近距離操作模式，遊戲設計亦「花枝招展」，務求吸引玩遊戲的人「愛不釋手」。

　　斑斕的色彩、閃爍多端的圖像，特別吸引小朋友，同時很易令小朋友眼睛疲勞。偏偏遊戲的互動性質，吸引小朋友不顧疲勞也要支撐下去。電子遊戲童稚皆易上手，無遠弗屆，簡單的動作，未上幼稚園都可以玩，一部手掌式電子遊戲機，還有新一代有遊戲功能的手提電話，無論家中、出門、乘搭交通工具，都可長伴身旁，在家中更有電腦、電視、遊戲機，小朋友二十四小時都很方便藉此娛樂。

　　小朋友未上小學已經深近視，影響生活、學習和體育活動，家長大費周章為子女延醫矯視。預防始終勝於治療，家長宜注意幫助幼年子女培養健康的電子遊戲態度。

　　部分家長本身就是電子遊戲迷，或者希望子女及早適應電子世紀，為子女幼年即懂得「玩」電腦沾沾自喜，卻忽略了子女長時間聚焦電子顯示屏的負面影響。

　　稚齡近視應早預防

　　有些家長則視電子遊戲機為「奶嘴替代品」，一部掌上遊戲機，成為隨時隨地讓子女「安靜」下來的工具。公共車廂不乏埋頭打機的小朋友，有些小朋友跟家長訪友仍然機不離手，家長樂得清靜。

　　問題是這樣不但損害小朋友的眼力，而且影響與家人的互動和正常社交，到年紀漸長，懂玩花樣漸多，更易沉迷，單是兩天前，就有一個七歲男童過馬路時疑因太投入打機，被汽車撞倒。

　　港人生活緊張，有時讓電子遊戲稍為「幫輕」一下照顧子女，未嘗不可，但要注意適度，不宜過分倚賴，以免電子遊戲喧賓奪主變成「幫倒忙」，一時的輕鬆換來日後無盡的煩惱。

2011年1月29日星期六

第一堂playgroup, trail@Sam Sir

一路以來, 爸媽都放大量時間俾哥哥, 但係牛牛一日一日咁長大.. 開始識嘢架喇!

咁啱, 有網友話Sam Sir嗰邊有trial堂上, 於是我地報名去玩吓啦!

其實~ 已經帶咗相機, 影咗唔少相, 可惜唔多識用部相機, 人仔郁得好緊要呀.. d相唔要得!

牛牛bb响堂上好定, 無怕陌生環境, 無怕玩飛機仔, 無乜點扭計

Sam Sir 仲成日笑佢大隻.. 係大隻過哥哥好多!

as expected, 又係無人識讀牛牛個名! 呢兩兄弟個名都比較特別..

到最後玩按摩喇.. 媽媽努力咁擦..

牛牛就對呢粒欖好有興趣...

以牛牛嘅脾性.. 下一張相應該係.. 一啖咬落去!

哈哈~ 唔好意思呀~ Sam Sir! 麻煩哂你.. 要你洗過呢粒欖核喇!

雖然~ 牛牛未識爬又未識行住, 但係對於佢嘅大方表現, 真係好開心, 佢已經係深居簡出型架喇! 每日係落樓接哥哥放學時見吓人! 不過~ 佢見到陌生人笑佢就會跟住笑, 所以.. 其實佢唔怕生架!

多謝Sam Sir份禮物, 不過你都响我呢度偷過師.. 好啦~ 打個和啦! (嘻嘻~ 証明恐龍媽有帶腦上堂嘅, 學識買玩具喇!)

------------------

去完pg, 我地去咗又一城同哥哥會合..

中途俾牛牛食餅餅頂肚先!

去到餐廳, 牛牛好興奮咁喎~ (佢真係好鍾意去街架!)

Auntie帶咗粥粥俾牛牛食, 食食吓~ 牛牛竟然要.. NG~NG~

醜c怪!`

2011年1月27日星期四

由於早陣子有媽咪想我出個蘿蔔糕制作，所以又多次獻醜，各位多多包函！

材料：蘿蔔六斤
         粘米粉 600g 一包
         蝦米細半碗
         臘肉半條
         臘腸 2條
      冬姑十多隻
      片糖 1.5吋長
      彊一塊
      粗塩少量


      蘿蔔以重手及光滑為靚

蝦米細半碗，臘肉半條，臘腸 2條，冬姑十多隻

要用左面大洞！！

蘿蔔絲出水多為靚

全部切粒

先炒臘肉
，再抄臘腸
，留起油抄蝦米，冬姑！

最後全部抄理一齊，約大半湯碗

好啦！到炒蘿蔔絲，加片糖 1.5吋長，彊一塊，粗塩2荼匙 (如果喜歡咸要多加一兩茶匙)，彊炒完取起！

蘿蔔絲煮到變軟及透明出水！

由於蘿蔔絲出水，把太多水取出傋用！

粘米粉 600g 一包

等蘿蔔絲凍，把粘米粉倒下抄勻！

如果太乾可倒些之前的蘿蔔水，把材料倒下，以有些少水為合！

9" 蘿蔔盆先搽些生油在表面！

左面阿仔要求少 D 料，所以同右邊不同！

可以蒸約 1.5 小時，以筷子插入拉出無粉為熟！

蘿蔔剛蒸完立刻熱食係最好食，昨晚11点蒸好，己經同阿仔立刻食左 1/3 底！
註 : 料多好食 d，因為臘味咸，注意落塩份量。

恐龍媽超鍾意食蘿蔔糕~ 一路想整又唔知點整.. 食過街嗰d又嫌咸, 恐龍仔今朝先話唔鍾意胡椒粉味! 好啦好啦~ 出年等阿媽出馬啦!

係呀~ 出年呀!

2011年1月23日星期日

媽咪~

今日~ 繼聽到牛牛話: "奶奶~ 奶奶~ 我要奶奶~ " 之後..

媽咪聽到牛牛發出以下.. 非常悅耳動聽嘅兩個音節:

媽咪~

做阿媽嗰個, 絕對明白可能聽錯, 可能無意識咁叫.. 可能只係自己幻想出嚟嘅..

不過.. 實在.. 太好聽喇!!!

2011年1月20日星期四

我要奶奶~

餓鬼牛牛成日俾auntie蝦佢..

見佢夠鐘肚餓食奶奶, 就揾支奶嚟引佢..

餓鬼牛牛會揾手搶支奶, 然後一啖噬埋去.. 個蓋度!

有時幫佢開埋蓋呢? 佢會打直係咁啜..好滿足架, 之不過飲唔到奶落肚!

早兩日.. 六點幾有人仔喊"奶奶", 平時佢醒咗都唔願飲奶, 但呢日, 佢叫: 奶奶~奶奶~我要奶奶!!!

今日, 佢自己捉實支奶, 由頭帶到尾! 仲單手添呀!

2011年1月18日星期二

好驚險呀!!!!

今晚如常咁~ 媽媽帶住兩隻仔去火車站接爸爸放工。

我地一家返到屋企門口, A單位嘅叔叔同姨姨開門要請恐龍仔食糖! (隻仔成日敲門問人攞糖食! ) 傾傾吓計.. 大門閂埋咗.. 原來係會自動上鎖嘅..

咁啱~ 裡面煲緊水

咁啱~ 工人放咗假

咁啱~ 老爺爺响房瞓緊覺 (佢一瞓就乜都聽唔到架!)

咁點算好呢? 叔叔好心急, 嘗試撞門!

姨姨打電話俾工人, 叫佢飛的士啦.. (但係司機先生唔理佢, 唔肯開快d, 又唔多識路)

恐龍爸打電話落保安, 睇吓有無開鎖佬電話 (可惜阿開鎖佬8pm就收工喇!)

咁點好呢?! 屋主叔叔打999求救!

氣氛唔多好~~~ 等呀等~ 消防員到喇, 3幾分鐘就開咗門, 差唔多時候, 工人返到!

門打開咗, 成屋都係煙!!!

當警察同消防做佢地要做嘅嘢嘅同時.. 老爺爺走咗出廳坐 (佢有d老人痴呆架~) 好彩無事咋!!!

門爛咗~ 要造過新嘅, 年尾流流, 屋主話d大陸廠收哂爐喇! 要過咗年先有新門! 不過~ 好在老人家無事, 其他裝修都無事! 如果唔係, 損失仲大呢~

呢件事.. 恐龍家深表歉意! 真係好過意唔去!

2011年1月14日星期五

氣管敏感咳~ 第7日

用咗順勢療法5日喇~

恐龍仔食嘅係 camu camu, 12X cell salts, colloidal silver, Phos, 療師仲開咗flax seed oil, 但係~ 有人唔肯食囉~

講返病情~ 其實星期3已經無乜點咳喇, 如果同食西藥比, 快咗止咳好多! 之前恐龍仔咳親都手尾長, 一兩個星期係等閒事! 不過係魚油嘅功勞定係療劑嘅功勞.. 就不得而知喇!

以前, 就算日頭唔係點咳, 但瞓低飲奶都好易咳! 係咳到嘔~

但係呢幾日無咁嘅問題!

情況滿意~

療師話要俾d時間"調理"返身體, 所有營養品要繼續食~

2011年1月13日星期四

淘寶~ Dec 2010

今次又係淘玩具.. 大細都有份!

買咗d布書沖涼書俾牛牛..

同埋一d 牛牛未玩到, 但對哥哥嚟講有d超齡嘅嘢..

http://store.taobao.com/shop/view_shop-bcc841ac21403d23812f2da623083576.htm

仲有..

http://store.taobao.com/shop/view_shop-8d6957b0a39b33c702c80a04b0f9dc68.htm

2011年1月11日星期二

甜言蜜語

今日2點前, 媽媽收到恐龍仔嘅電話:

媽咪呀~ 我好愛你同爸爸架! 我好掛住你呀~ 你可唔可以早d返嚟呀? 我好想見到你呀~ 不如你早d返屋企啦~ 我好鍾意同你一齊架...

呢次係佢第一次認認真真打電話俾人又講到d嘢... 平時佢無打過俾媽媽, 一嚟~ 就咁?!

甜死人~

個幾鐘頭之後~ 再嚟過!!!

好在~ 恐龍仔好乖, 話佢知媽媽唔得閒要做嘢喇, 佢都會講byebye~

原來~ 恐龍爸同時亦收到咁嘅電話~

真係~ 公平架!

2011年1月10日星期一

持續冷風> 氣管敏感發作!

上個星期五, 貪玩嘅恐龍仔一落校車就除外套, 雖然係幾步路, 但就咁就吹親喇! 當晚已經唔停咁咳..

媽媽攞咗kid's kit出嚟, 試咗Ferrum Phos, 隔20分鐘左右一次, 兩次之後.. 神奇地唔再咳! 過咗一個寧靜嘅晚上!

第二朝起身, 又咳返! 呢次食相同嘅療劑無效, 咁啱朋友介紹咗個用開嘅朋友俾我, 佢仲話我知有講座聽.. 返到屋企, 乜都幫佢唔到, 打咗俾治療師, 佢話會幫我買藥~

恐龍仔臨瞓無乜點咳, 呼吸開始急促! 半夜喊醒, 本來唔肯吸氣嘅, 最後俾恐龍爸搞掂咗~ 之後好快瞓返~ 無事!

第二朝, 無乜特別, 好咗好多啦~

黃昏先有機會俾恐龍仔食療劑, 夜晚唔係點咳, 亦唔係好喘, 不過個身唔舒服, 成晚醒!!!

希望之後好好調理好身體, 仲有排凍呀! 仔呀~ 唔好再嚟喇!

2011年1月8日星期六

巫醫阿媽-小兒敏感咳

恐龍爸話過我:成個巫醫咁~用埋d古寧精怪嘅方法醫病!

係! 點解要咁做呀?

因為西藥無效, 副作用又大囉!

連個兒科醫生都話無乜嘢唔好食咁多藥呀~ 就知咩事啦!

講返我用過d咩巫術响恐龍仔身上先~

少食凍嘢, 唔飲凍嘢

長期食魚油 (已經無再咳到喘喇!)

有少少唔舒服作病, 即刻食兩日多種維他命 (幫佢打杖嘛!)

少少傷風, 食兩劑保嬰丹

痰多~ 猴棗散

入冬之後, 睡前開放濕器, 等佢喉嚨無咁乾

有需要時, 响放濕器加香氛油 (Eucalyptus - 氣管!!! peppermint - 鼻塞 ; Pine - 跟kit有埋, 如果散買嘅, 我唔會買佢)

三九天天炙

最近嘅順勢療法藥物

每一樣都見到效過, 只係未夠好! 不過~ 恐龍仔已經好幾個月無睇過醫生喇! 唔係無病, 只係兩聲咳, 少少鼻水, 兩日就無事, 唔駛睇醫生囉!

2011年1月7日星期五

試用"同類/順勢療法"

恐龍仔出世之後, 有一段時間恐龍媽睇過幾本唔同"另類療法"嘅書, 當中有提及同類療法, 但係就揾唔到相關嘅書.. 有一次响BK講話食Q10 supplement 之後d血壓低咗, 好過食血壓藥, 於是有位响英國讀醫嘅媽媽同我講: 响同類療法裡面, 只有絕症嘅病人先會用Q10嘅 (因為對身體有害!).. 聽完有d驚.. 自己無法查證, 但都唔係好敢再食..

同類療法~ 係英國皇室成員有病時用嘅療法, 天然成份, 無副作用!

早前朋友個朋友由美國返香港, 我响amazon.com訂咗幾樣同類療法嘅藥, 諗住試吓..

首先試用嘅, 係牛牛, 佢用咗teething gel.. 有乜分別? 唔知~ 無害就算!

今日~ 恐龍媽放工, 發現恐龍仔不停咁咳! 考慮咗一陣, 就攞咗呢kit嘢出嚟