當有d女性生物响身邊, d男性生物通常都比較依賴~
恐龍仔係一個例子~
恐龍爸成日話阿仔游完水識得自己換返衫.. 恐龍媽真係未見過喇!
今日~ 有意外驚喜!
恐龍媽一早醒咗, 就聽到恐龍仔响出面嘅聲音.. 打開門: 工人同牛牛換緊片, 哥哥自己响房.. 做緊乜呢?
打開門: 有d人仔穿緊襪(!!!) 已經換咗校服褲~ 見到媽媽走入房, 佢慌忙除返隻襪(!!)
恐龍媽: 我乜都睇唔到..
跟住入咗廚房飲啖水.. 再去莊吓佢: 已經搵被冚住自己!
恐龍仔: 你睇到架! 你睇到架!!!
仔呀~ 媽媽is sorry... 竟然破壞咗你嘅好事!
之後, 又唔願離開張床, 唔願食早餐.. 唔願換校服!
恐龍爸行咗出廳: 我數20聲, 你要換好衫架! 要自己換~ 唔駛人幫!
恐龍仔即刻好努力咁除衫, 然後著裇衫 (扣唔到裇衫嘅鈕) 跟住自己著冷衫, 自己扣冷衫嘅鈕!!! 由低扣返上去~ 完成!
嘩嘩嘩~ 利害呀!
仔~ 點解你淨係蝦屋企d女性生物架?!?!
恐龍爸話要睇，講咗兩三年，次次都俾做老婆嗰個拒絕，好慘咁! 鬼叫佢老婆讀書時已經睇過咩..
今次, 同恐龍仔去就唔同~
我地無乜點影相呀~都係行吓行吓
有得玩植"樹"喎~
上咗去睇較新嘅final sedimentation area
不過有個小插曲, 就係恐龍仔真係好玩得! 佢竟然行咗去班大專生度, 人哋玩緊Mr. Fox, 佢又玩埋一份.. 笑c媽咪喇~
今朝早~ 又係晨運嘅日子~
再三催促下, 哥哥叫做食咗半碗玉米片, 等埋爸爸沖涼換衫 (今日爸爸早咗起身呀!), 我地一行四人落樓散步!
今朝, 天空一片藍.. 帶少少白色嘅煙霞
牛牛抬頭望天~ 媽媽就話: 今日天空好藍呀!
哥哥攞起隱形魔法畫筆~ 掃掃掃~ 掃成一天嘅藍!
然後點點色板: 替樹幹加上啡色~ 再替樹葉油上綠色!
媽媽都幫幫忙.. 替長椅掃上啡色.. 仲有旁邊嘅一小片樹林..
恐龍仔似乎玩得好高興, 爸爸都幫手油咗幾吓!
然後~ 恐龍仔話要換白色~ 幫天空加幾片白雲!
行吓行吓~ 時間差唔多喇.. 雖然恐龍仔好想去打韆鞦, 但係.. 唯有下次先啦!
雖然係短短十分鐘, 跟住就要送爸爸同哥哥去排隊搭車.. 但係一落街, 好明顯地牛牛無咁嘮嘈, 一揹上身就靜哂! 好開心~
希望呢短短嘅時光, 除咗親子之外, 可以俾牛牛認識我地生活嘅環境, 身邊嘅事物.. 仲有~ 愛上大自然!
經過一輪生活常規整頓, 終於搵到時間落街街喇!
呢一切得嚟不易! 首先係媽媽改泵奶時間表, 再嚟一個貪玩但又唔願食早歺同好好換衫返學嘅哥哥!
仲有一個夜晚活力充沛嘅哥哥~ 夜晚都仲要去放電! 但又唔肯食飯~
總之~ 要同牛牛落街, 要過到哥哥嗰關先! (好唔公平!)
有時~ 對於牛牛嘅一切, 都覺得好配合呢個家~
牛牛同哥哥一樣要早睡早起~ 而牛牛更早! 7點半開始扭計, 8點飲奶瞓覺! 呢個時間, 方便我地等哥哥食完飯, 工人煮晚飯, 然後餵奶Zzzz, 跟住工人食飯洗碗, 再瞓恐龍仔瞓~
飲奶問題~ 每次媽媽要減奶, 牛牛就自己跟住減! 佢係越食越少! 少到媽媽開始驚~~
我地無話唔俾抱bb, 我地相信只要佢地需要大人嘅關注, 佢地就有! 抱從來都唔係問題! 但媽媽最近好發現: 牛牛係一個可以自己坐响highchair 玩嘅bb! 媽媽諗: 一個被愛嘅bb, 係充實嘅, 係有安全感嘅~ 係可以獨處嘅! (哥哥當年都係咁~)
牛牛好鍾意睇住哥哥玩, 睇住大人做嘢, 到目前為止, 只有哥哥時間, 未有爸媽同牛牛獨處嘅時間!
所以~ 牛牛對我地嘅生活影響唔太大, 主要係多個人仔要搵人看住! 佢經常係無得出街嗰個!
講返晨運~ 係媽媽特意要為牛牛做嘅一件好重要嘅事!
見到哥哥行咗年幾晨運有幾多好處, 當然要有牛牛份啦! 我地都係3人行, 不過唔係爸媽+仔, 而係媽媽+兩兄弟!
其實牛牛早瞓, 夜晚無乜機會同爸爸玩, 但爸爸又想多陪哥哥.. 希望到牛牛學行時, 爸爸會改變主意, 分少少時間陪牛牛啦!
最近買咗呢本書..有d相逢限晚, 好想同人分享.. 一本教你養一個健康孩子嘅書: 由未有bb, 到懷孕~ 產後, 直至幼兒/幼童!!!
當代健康教母最佳獻禮 ◎看笑容、摸小手，孩子有病就能提早知道？ 【飲食營養】【疾病防治】【早期教育】，是孩子健康成長的三大基石。 【鞏固體質飲食法】不要讓孩子太早吃大人的飯菜，食物要煮得軟爛，以減輕胃腸負擔；多喝溫開水，不餵蔬果汁，養成飲食好習慣。 【安撫身心按摩法】適當捏脊，讓寶寶四體安適、五臟調和；睡前捏腳趾，可放鬆大腦；胃腸不消化，要按摩腳底反射區。 【直觀健康判別法】孩子指腹扁平薄弱，顯示體內寒濕重；鼻樑或眉尾出現青筋，代表氣血不足；頭髮稀少發黃，則是營養失衡。 【小兒疾病治療法】寶寶鼻塞，要多吃溫熱食物、避免按摩；發燒時，可用手心捂住前囟門；家有過動兒，可搓腳心緩解情緒。 在本書中，健康教母馬悅凌完整分享十多年來的行醫心得及育兒經驗，從孕期護理、孩子的飲食調配、日常鍛鍊到生活保健，幫助父母輕鬆養成全面性的小兒保健知識和教養觀念。隨書並收錄各種方法示範圖解、【食物屬性一覽表】、【兒童經絡穴位圖】、【生長發育測量表】及【婦幼保健Q&A】，讓父母快速掌握最關鍵的實用資訊，時時守護孩子的身心健康。 母親是世界上最累最苦的角色，既然做了，只能做好。作為一個母親，不論生活出現什麼變故與不順，都要讓孩子感覺到你對他的愛。 在這本書中，我將自己對生命的理解、對孩子的愛，毫無保留奉獻給了大家，方法很簡單，操作起來並不難，難的是對好習慣的長久堅持；難的是隨時抵禦對生命有害的各種誘惑；難的是踏踏實實、認認真真地過好每一天、吃好每一頓飯。願這本書能成為父母的好幫手，願孩子們都能在父母正確的培養和教育下茁壯成長。 ——馬悅淩 作者簡介 馬悅凌 大陸著名民間中醫，根據多年的親身實踐與研究，獨創各種食療和經絡療法，被譽為「健康教母」，著有《不生病的智慧》、《溫度決定生老病死》等養生保健暢銷書。 |
