Mr. Strong

某日路過M記，見到post有Mr. Men, 心諗：小鬼一定鍾意！

當晚，就見到恐龍爸帶咗Mr. Strong返屋企喇！

開心c呢隻小鬼！

第二日，好日都唔入M記嘅恐龍媽，走咗去買咗一套！好處係：唔駛食咁多垃圾！

不過d小朋友唔知道住架！

Shhh~~~

蘿蔔糕

一如以往，成屋得恐龍媽一個極愛此糕，而恐龍爸要求極高，只食美心出品！
鍾意煮嘅我就預咗自己食曬！

第一底，錯落糯米粉！！！
呢底就量多咗5-10%粉！唉！不過己經算成功，因為試味員話味道OK，只係太實！

下次再努力！

溫習週

放完聖誕新年假，哥哥開始有測驗，牛牛就要評估。
哥哥OK，自己睇—次，然後爸爸重點幫佢溫多一次。
牛牛認中文字經過爸爸毎日基礎漢字500，依經無乜大問題，但英文就只做到字圖配對，單認字就唔識！兒歌好多都無譜跟理，又溫唔到，爸爸有D唔高興。。。。

不過可愛嘅牛牛唔係蠢架！只係慢D，但有時睇完一個睇第二個，爸媽有時都會精神分裂！好辛苦！
今日爸爸帶咗Mr。Strong返嚟。。。獎勵牛牛！佢見到好開心呀！

家長日

入學前，估佢全班頭十名
第一次測驗後，可能排5-8
出咗考試分，可能頭五名～
問佢自己，佢話全班第三！
今日好緊張。。。。。開估喇！

仔，多謝你呀！
我地有入場卷搞轉校喇！

寫字練習

自從攞咗成績表之後，爸媽發現恐龍仔會將自己做好哂嘅功課擦咗重做！又會自己攞張紙練字~

早幾日去書店買書，佢買咗一早講話想買嘅棋書、呢期鍾意嘅化學書之外，仲揀咗一本撩草句子嘅copybook！！！本來都唔想買俾佢，但係佢一而再話要買，見唔貴~就算啦！

點知返到屋企，佢好認真咁搵張紙練字！仲寫到單字，然後句子！

神奇！

爸媽靜靜睇佢，無出聲，隨得佢啦~

今晚放工返到屋企，哥哥急不及待同媽媽分享：老師話我呢排d字靚咗少少呀！
唔夠10秒，爸爸都返到！但佢唔願意同爸爸講~
媽媽就話：爸爸媽媽一早就見到哥哥嘅努力啦~老師都見到，証明我地只要努力，就一定會有進步！
然後俾爸爸睇下佢今日寫嘅手冊，爸爸話：哥哥d字寫得好整齊好靚呀！(無夾過架！)
媽媽：我都話爸爸一早就知道啦！

正傻豬~不過都好，自己靜靜努力，不張揚~ 

老師都幾好，及時俾到positive feedback! 哈哈~

再接再厲嘅~滷蛋+豆腐

有日滷牛，加咗豆腐

朋友食咗大讚豆腐美味

今日佢幫佢女搞生日會

恐龍媽一朝早起身準備呢份禮物

加咗豆腐，一樣好好味！

最開心嘅係，客人們好快就掃哂！大讚好味道！

恐龍仔嘅2013回顧

問哥哥：你覺得2013年過得點呀？
哥哥答：OK啦~
問:咁你考過小學，最終讀到呢間學校，你覺得點呀？
哥哥答：唔好囉~
問：點解呢？ (一路佢都話間學校OK架！)
答：如果可以同牛牛一間學校就好喇！

之後，佢話：如果牛牛唔鍾意同我一齊返學嘅話，我就唔轉喇！

(唔會架！牛牛一路都好鍾意同哥哥一齊坐校車呀！)
返到屋企，媽媽問牛牛：你鍾唔鍾意同牛牛一齊返學架？！

牛牛：鍾意呀！我好鍾意同哥哥一齊架！

到底係我地影響到佢嘅諗法，還是佢真心錫細佬呢？
唔緊要，最重要係一家齊心，目標一致！
努力~加油