寫字練習

自從攞咗成績表之後，爸媽發現恐龍仔會將自己做好哂嘅功課擦咗重做！又會自己攞張紙練字~

早幾日去書店買書，佢買咗一早講話想買嘅棋書、呢期鍾意嘅化學書之外，仲揀咗一本撩草句子嘅copybook！！！本來都唔想買俾佢，但係佢一而再話要買，見唔貴~就算啦！

點知返到屋企，佢好認真咁搵張紙練字！仲寫到單字，然後句子！

神奇！

爸媽靜靜睇佢，無出聲，隨得佢啦~

今晚放工返到屋企，哥哥急不及待同媽媽分享：老師話我呢排d字靚咗少少呀！
唔夠10秒，爸爸都返到！但佢唔願意同爸爸講~
媽媽就話：爸爸媽媽一早就見到哥哥嘅努力啦~老師都見到，証明我地只要努力，就一定會有進步！
然後俾爸爸睇下佢今日寫嘅手冊，爸爸話：哥哥d字寫得好整齊好靚呀！(無夾過架！)
媽媽：我都話爸爸一早就知道啦！

正傻豬~不過都好，自己靜靜努力，不張揚~ 

老師都幾好，及時俾到positive feedback! 哈哈~