~ 恐龍家 ~

2009年12月11日星期五

2009年12月10日星期四

奶奶與工人

今晚好唔開心.. 其實幾乎見親嫲嫲, 心情都差d, 因為佢好鍾意訴苦/鬧人! 無乜開心嘢/無聊嘢講, 一問口就係d 負面情緒! 但係總覺得大家一齊就要傾計.. 每次都係得佢講無人講! 我都唔知自己係咪EQ低, 每次都接收唔少負能量!

我問恐龍爸: 我嫁俾佢係咪要聽埋佢阿媽訴苦?

心嗰句: 我嘅先後次序係自己同bb/阿仔, 跟住仲有老公同公公婆婆, 幾時得嚟有精力應付佢呀? 大肚婆要保持心境愉快架! 唔好响我面前發放負能量好無?! 唔彩你又嬲, 答咀又怕講多錯多~

唉~

-------------

事原, 我地一齊住咗8年, 舊年年尾因為種種原因, 決定安排兩老遷出, 今年4月終於成事, 恐龍仔可以响自己屋企自由活動! (孩子~ 幸福唔係必然架!)

但係爺爺嫲嫲仲有好多雜物放响原處~ 之前已經發生過一單"問過話咗唔要, 返轉頭嚟要搵"嘅事件~ 今次係閉門失竊! 嫲嫲想幫叔叔搵返佢3年無掂過嘅一個舊袋(有牌子嘅)同埋一件皮褸!

搵唔到~ 唔高興, 就番舊帳! 仲有一支人參唔見咗喎!

我一路好信任個工人, 因為咁樣大家先會相處得開心, 既然交得個仔响佢手, 你對佢好d點都會係件好事! 相處兩年, 只唔見過一張新出俾佢嘅8達通! 我當時記响心, 無鬧, 再出多張俾佢, 兩年來, 屋企嘅錢, 值錢嘢同埋個人仔~全部安好!

但係响恐龍仔面前, 嫲嫲不停咁數~鬧~仲有教訓我唔應該信個工人, 我一路無出聲, 佢越嚟越嬲我無反應, 於是我講咗句: "唔好响個細嘅面前講呢d嘢啦!"

嫲嫲話: 佢邊識聽呀!

唉~佢知你數緊佢最親近嘅人, 你唔信任呢個人~ 仲唔夠?!

嫲嫲見我無乜反應.. 鬧多幾句, 教我要數數自己d金器.. 然後就唔等爺爺, 自己走咗!!!

恐龍爸返到嚟, 聽到呢d麻煩嘢, 又唔高興!

---------

我知佢夾响中間, 但係我就係箭靶, 你要當唔關你事嘅, 我都無辦法! 我唔係識講嘢嘅人, 我唔會見人講人話, 唔會因為幾句說話就改變自己對工人嘅信任, 亦唔會講d肉麻骨痺嘅嘢去令人覺得我聽完好認同!

簡單d講, 我唔識氹人開心!

其實唔止一次, 嫲嫲嘅直覺最後發現係錯嘅! 請人食咗死貓當無事就算, 反而我要代佢同個工人道歉! 成日話d工人無個好人, 大家都打工啫, 你老板咁講你鍾唔鍾意呀?! 講到底~我有個細嘅响佢手, 我真係唔會亂話佢囉! 倒轉~ 我都唔想老板屈我啦!

最後~ 我搵得返哂d金器, 我記得返早三幾個月見過嗰個袋.. 工人話嫲嫲個工人帶走咗! 好啦~ 你兩個賓賓自己搞掂, 唔好咁揚, 等個袋自己出現返就算喇! 等佢好落台.. 件皮褸應該响一切添!

支人參.. 真係唔知喇! 會唔會係俾過我送俾婆婆呢??? 因為我同爺爺都唔食得人參, 無乜用! 3年前話買俾我嗰d鹿茸仲响雪櫃!

唉~ 人老咗, 係咪就會咁煩架?! 你無記性唔緊要呀, 唔好咁大脾氣就好喇!

2009年12月8日星期二

上堂坐唔定

恐龍媽最近帶恐龍仔上咗3次音樂班, 發現有d問題, 恐龍仔好似坐唔定, 四圍走, 好鍾意老師注意佢, 好鍾意做老師, 仲有就係用自己方法去跟老師做動作! 即係識做又唔跟足嚟做 !

收咗另外兩間幼稚園offer之後, 終於的起心肝打電話俾恐龍仔個班主任, 想了解吓佢响學校上堂嘅情況, 係咪一樣坐唔定呢?

响學校, 好多時聽咗幾句老師講乜, 好快明, 然後就問問題, 或者行開搞其他嘢! 佢好有好奇心, 學嘢好快, 記性特別好!

咁會唔會影響老師上堂呢?

其實佢問問題, 其他小朋友可以學多d嘢, 係好事, 不過唔知其他老師會唔會唔鍾意佢行嚟行去, 班主任話, 佢覺得未係咁影響, 起碼佢唔係成日喊, 要老師安撫嗰d~

其實佢可能想引人注意, 所以成日爬上爬落, 又會拉d厠紙, 話佢就笑!

老師仲話..

佢講嘢好清楚, 記性好好..

恐龍媽都係擔心, 到底佢適唔適合傳統教學呢? 雖然話仲有幾年先升小一..

依家好多小學1-3年級都唔係真係好傳統架喇.. 會有project做, 唔係好似以前咁架喇! 而且仲細.. 慢慢適應啦~

Hmm.. 呢位老師答得好官腔~ 呢次收獲唔大.

都仲係有d苦惱, 又同恐龍爸傾咗一大輪, 結論都係: 唔轉好過轉!

好想搵到間學校 (遇到d老師) 唔會抑壓小朋友嘅好奇心, 同時, 佢又可以學習到要守規矩, 識得專重他人! 讀大班教學同較傳統嘅學校, 又怕會抑壓好奇心~ 注重creativity嘅又怕唔識守規矩! sell語文能力嘅.. 又好似偏重某方面咁~

最後耳邊又響起一些聲音叫恐龍媽好好栽培呢個仔, 到底.. 即係點做呢? 雖然話幼稚園收生無乜準則, 但係眼見兩間名校都收佢上午班 (我地講明唔考慮下午班架~), 個心其實好開心, 好似得到肯定咁~ 但係跟住點呢?

學音樂? 學跳舞? 學英文去考d公開試?? 畫畫? 仲有游水? 最好近近地~ 方便接送喎!

2009年12月6日星期日

玩足(媽咪)一日!

今日係恐龍爸嘅考試日, 又係恐龍媽嘅湊仔日! 通常單打獨鬥都無乜好嘢!

首先.. 出街食早餐, 一路都唔多合作, 樣樣嘢都想睇吓, 最大吸引力嘅當然係月台上嘅路線圖! 唔夠高咩? 有媽咪嘛! 幾經辛苦去到快餐店, 好在都算合作.. 自己食咗半碗通心粉! 不過都係唔願食蛋!

好喇~夠鐘上堂喇! 呢位"老師"又搞搞震... 不停自己行嚟行去, 佢d對答笑c人! 不過睇得出老師鍾意呢隻曳嘢..

諗住同佢去遊樂場放電啦...都係四圍走, 跟住又話要食嘢! 但係最後又要媽媽餵.. 食食吓話要ng-ng, 但係恐龍媽仲未食喎.. 忍忍先啦! (其實已經去咗3次厠板, 一次話要ng-ng但無料到) 唉.. 阿仔.. 你阿媽聞到臭味會作嘔架!!! 最後食完去厠所, 又抹完一輪厠板, 竟然話無!!! 好在試多一陣就.. 總叫有d收獲啦!

路過商場嘅聖誕裝飾.. 唔願走!

返到屋企.. 唔願瞓!!! (救命呀!!!! 恐龍媽已經攰c喇!)

最後.. 3點鍾, 恐龍媽放棄喇, 出去煮嘢食, 恐龍爸返到接手.. 可惜都係唔瞓! 呢個時候, 公公婆婆上咗喇, 我地落街玩一陣啦!

然後.. 煮飯.. 食飯.. 休息一陣.. 洗白白! 難得想同隻衰豬一齊洗白白, 點知佢話要爸爸! 最後都係揀咗媽咪 (响無人"陪" or 媽咪之間)

媽媽幫仔擦身.. 恐龍仔自己又擦多一次! 似模似樣架! 然後.. 幫媽媽擦背! 仲有淋水!

恐龍仔玩住兩隻大小鴨仔話:

鴨媽媽.. 同小鴨子.. 一齊去池塘做運動呀!

仲有小青蛙..

小鴨子: 阿媽~阿媽 (咁叫!)

鴨媽媽: quack~ quack~

最後.. 鴨媽媽帶住小鴨子爬上山 (媽咪手臂), 再返屋企~

然後飲奶瞓覺, 有人仔話要用杯杯, 但係就唔小心整到濕哂.. 點都唔肯飲完先換衫! 唉~ 搞完一輪, 你飲奶樽啦, (我無電喇!) 然後... 瞓着喇!

跟住落嚟先係戲肉: 做咗3個鐘親子功課!!!! 係一個project, 要搞料呀! 星期五通知, 星期一要帶返學校!!!!

恐龍爸呢? 瞓咗好耐喇!

2009年12月4日星期五

Wish List

等恐龍媽發吓夢先..

#1 COCOONABABY® (by Red Castle~ 荷花)

阿b瞓上去.. 超舒服!

#2 Sling (無扣~)

恐龍仔嗰時已經超鍾意, 點知貪平買咗有扣嗰d.. 唉~ 無乜點用過!

#3 奶樽!

想買Babisil, 但係未confirm.. 仲諗緊~

2009年12月3日星期四

KM vs KV vs SC

面試前後, 總係問自己: 到底呢間學校有乜好?

好幸運, BK最近有媽媽問相同問題, 等恐龍媽做個summary啦!

KV無其他雜費

著重academics 方面，尤以中文及數學

c.f. hkps : KV 係數學方面比 HKPS 強很多

同埋紀律 train得好好, 有禮貌及有規矩

traditional school, no outings, start writing in K1

train the kids to do their homeworks by themselves.

KV老師是嚴謹的，對小朋友的要求也是嚴謹的

k1下學期正式寫字, 每日中(簡單中文字)/英(letter)/數字(number)日日有,
每次一版約10-20個進漸式0甘寫

主動做功課, 功課不用家長指引, 全部自己做

功課"多", 但 5-10mins一定會做完

同kv, st cat & 維記家長傾下大家K1 有咩功課, 用9月黎比較計, 原來keen mind 係最多

(c.f. KV) 教學方針各有不同, 劍鳴比較著重全面發展, "她"在語言(英、普)方面比較幹得出色.

use P1 maths textbook (Eng) in K3, (K3 April) do subtraction e.g. 9-3-2. He also needs to do 2-digit addition / subtraction. He knows what's pyramid, prism, sphere, etc in English.

k1功課每天約2樣週末有4樣,但k1下學期就要學寫好多寫,所以每天都要練字和做功課.

K1 用phonics for kids

N1開始已經有show & tell~

SC主張presentation，培養英語會話的自信心，但也會因人而異，就像一些show & tell的環節，老師都不會出通告叫小朋友帶什麼東西回校分享，只靠小孩自己留心聽老師的吩咐，所以倘若孩子固意不告訴家長，不想演說，相信對會話和自信心也不會有很大的幫助

因多外國人,所以小朋友接觸英文幾會較多

除學費外, 沒有其他雜費,

功課相對較少, K1較輕鬆, K2開始深 (因為家長嫌佢教得淺, 改課程中)

同hkps比, 英文程度差唔多, 可能SC仲要淺dd

K2先學寫字

有傳英普班K2都唔係NET/PTH 做班主任

最後..只係想講: 家長要跟據小朋友同自己嘅需要作決定, 唔好三心兩意, 返轉頭又諗諗吓後悔! 其實就算加埋hkps, 都係各有所長, 如果心儀傳統小學, KV/KM較為適合 (因為較注重寫字同自律做功課), 如果注重語言(pth/eng) 嘅, hkps>SC>KM>KV, 如果唔想教得太深, 應該揀SC, 如果想各方面平均發展, 可能係KM~

身邊好多小朋友收到SC/KV 嘅offer, 相信有小部份見到名校收就歡喜+頭痛, 最好考慮埋小朋友作息問題啦!

------------

further info from BK for SC's discretionary places admission result 2009-2010:

MCS - around 80 seats
St Mary's - around 64 seats
St Stephen's - around 53 seats
Marymount - around 64 seats

小一派位 sharing for 2009 from BK

hkps