好大個盒呀！

哥哥四年幼稚園生日，媽媽都無爭住買蛋糕，留返俾其他家長破費，我地就帶其他食品。
到牛牛，避過N班，但估唔到K1，竟然全班得牛牛一個四月出世，咁做媽媽嘅就當然要做定功課，而牛牛自己揀咗呢隻鴨仔！
佢個盒實在太大，我地要攞曬雪櫃嘅調味料出嚟先夠位擺！！！
牛牛放學返嚟話個個小朋友都好鍾意！咁就太好喇！

McVeggie

 

最近響素食谷引起極大爭議嘅包包，我都要去以行動支持。。。

一次咁多啦！(高盬呀！！)
但願更多地方提供素食選擇！

 

大澳遊

復活節玩D乜？
我地去咗大澳！坐咗半個鐘車，坐50分鐘巴士，再坐50分鐘過山車。。。
終於到喇！！！！
好辛苦，但風味又真係幾特別！
我最愛係墨魚餅，小朋友就最愛麥芽糖！

 

 

 

想讃一讃平時比較自我嘅哥哥。
今日回程途中，牛牛不支瞓咗，哥哥叫我除咗牛牛個背包，

我抱住根本除唔到，我亦唔明佢想搞乜！

跟住又叫我打開個袋，攞本書俾佢，然後又攞我袋側支水，

全部放入佢自己個背包裡面。。。
傻媽媽終於明白，原來哥哥想減輕我嘅負擔！
大個仔識得體貼他人喇！

Rio 2

復活節假第一日，去睇卡通！
小朋友好開心，睇完戲仲可以買埋故事書返屋企重溫內容！但響火車已經。。。。愛不惜手！哈哈！
呢本係哥哥第一本無插圖嘅故事書！加油呀！

Smart Robot

呢個係爸爸送俾哥哥嘅生日禮物

但因為佢個樣似helmet pig，俾人搞到咁！哈哈！

但無呢個造型之前，好似曱甴！

佢好叻架，識得行迷宮架！

魚樂無窮

兩隻人仔—路都好鍾意魚

某日恐龍媽望住中醫診所內魚缸就諗

好唔好送缸魚俾兩隻人仔呢？

希望玩得下啦！

台灣訂書

 

剛收貨，合時禮物！

台灣直送汪培珽書單好書~ (有幾本係我自己揀架~唔係全部都係書單好書~)
唔該哂Vicky 姨姨！
牛牛好鍾意佢d新書呀！
哥哥見到尖叫！