大獎？

早幾日買咗一大Mr. Men，諗住慢慢送俾兩隻仔

見到哥哥都想要Mr. Strong，就同佢講：如果你測驗有95分以上，就送一隻Mr. Strong俾你啦！

哥哥：唔得！要99或100分先得！(當日剛測完英文，佢話應該有99或100分)

媽媽：點解呀？

哥哥：因為Mr. Strong 係大獎嚟架！

哦~原來大獎係大開心咁解！

到佢派英文測驗卷，好幾處唔小心扣咗分，但都叫夠分攞獎啦~

點知收到婆婆投訴：有人成日掉住玩！

到媽媽返到屋企，發現床頭櫃被打開過，已經一而再講，唔好入大人房搞搞震，但都係鍾意入嚟玩.... 見又唔聽，成日要人勞氣！咁點可能獎？！

於是，Mr. Strong唯有下次有機會先出場喇！

臨瞓，爸爸抱住人仔講道理，佢一路話自己唔開心，扁哂咀咁，於是媽媽靜靜攞咗Happy仔出嚟，正好，爸爸話：你知唔知道呀~唔開心係會傳染架....

唔知~開心會唔會傳染呢？  (出場！)

個傻仔即刻笑返！

不過呢份唔係俾哥哥嘅禮物！呢個係氹小朋友開心嘅Happy仔！所以要同牛牛一齊分享架！