木糠布丁

本來唔打算寫呢樣嘢，不過...因為恐龍爸覺得好食過D字雪糕，恐龍媽要記低...讚美！呵呵~

呢日，媽媽因為失眠+半夜被仔嘈醒，所以病假一天。
而恐龍仔，因為植樹活動後無名敏感，發到豬頭一樣，半夜痕醒，又咳....所以都係病假一天，睇睇醫生,,,

咁無聊嘅恐龍媽，瞓晏覺醒咗有乜搞？
問恐龍仔：想食木糠布丁or cookie?
佢話要食木糠布丁！

好~ search食譜，開工打cream!

到一切ready，可以落杯，牛牛就過嚟搞破壞~ 將d 餅碎同cream 撈埋一齊，然後放入口！
哥哥呢？試咗少少cream，大叫yummy！因為練緊琴，所以無乜點理我... 佢同我各自努力
到我收工清場，佢竟然...幫我用條脷洗乾淨個打cream大碗！！！
跟手~ 再清埋埋個打蛋器！！！

~yummy~

笑死我喇！

最難得係恐龍爸都話好好味！(我嘅意思係~佢咁讚我，非常受落！上次佢讚好嘅係apple crumble)

所以我真係要記低....呢個木糠布丁！

可惜無影到相啦...