新鮮出爐~楓糖麥包~

尋晚心血來潮，好想整包包食！於是去睇睇有無yeast啦~因為先前嗰d好似買咗好耐，好似已經俾我掉咗！最終搵唔到，我對附近嗰幾間要行15分鐘先去到，但又細嘅超市無乜信心.. 唯有去taste買啦！

 

望住兩隻品牌嘅yeast：一隻本地貨，一隻來佬貨，價錢相差超過100%！最終…都預咗出到嚟係送上門俾人搶錢架喇，買隻貴架啦！

 

返到屋企都10點半，即時開工！今年揀咗一個蜂蜜藍苺乾麥麭嘅食譜，將佢變身成~楓糖紅苺乾麥麭~

搓好就放入雪櫃~

6點起身就放入暖焗爐內，再攞出响造形，跟住放返入暖焗爐內40分鐘，七點正開爐焗200度15分鐘，170度15分鐘~

味道剛好！

只係大老爺話可以做得鬆軟d~

鬼唔知咩？！

唔夠時間發酵嘛！

一轉眼已經食咗3/4喇！哈哈~