情人節快樂

小情人近期病咗 (傷風咳呀！)，異常痴身，但好喜歡親親媽咪，一親就好幾啖！
甜死人！
真擔心俾佢傳染到！

忙咗一朝，食完飯入lab做咗d嘢，正打算換衫返過office，有人打入lab揾恐龍媽~
同事答：佢出緊去呀~
對方：咁就得喇！
咁奇怪？！邊個？把聲有d似守門口嗰位同事... 佢嘅聲調話俾我知：唔係公事！

唔通？有人...

過到去，佢枱頭有束花，恐龍媽心諗：唔好表錯情呀！

結果，束花真係送俾恐龍媽架！
個衰公... 咁多年，好似第一次情人算收花咁喎...




放工，去街市買乳鴿加餸氹吓恐龍爸啦~
點知一入街市就俾人撩！檔檔d阿叔阿姐都讚束花好靚，係咪男朋友買架喎~
嘻嘻~



睇真d~又真係好靚呀！

多謝老公！