城市農夫~ 預備編

新居有個東南露台，未入住時，太陽曬入屋，都幾熱！入住初期發現，下午兩點都仲有太陽！
太好喇！我地一定要種d嘢... 種d乜好呢？

菜啦！

第一步，恐龍媽發現花墟有間舖有好多露台種菜嘅用品賣，地點係油站對面，近天橋嗰段街。
第二步，就係買書睇！一買就兩本，希望要知嘅嘢都齊啦！

之後再路經花墟嗰間舖，原來門口放咗張check list，教新手買齊用品種菜，item 1 就係書喇！

呢日，揾到d有用嘅網頁:
天天都種菜  (blog)
城市農夫
 陽台種菜．頂樓種菜．騎樓種菜．種菜達人愛種菜

TW嘅資源真係比香港多，就連政府都做個網頁嚟教民眾種菜！真幸福呀~~~


要種菜，首要條件係夠日照，通風，希望恐龍家個露台仔合格啦！