非賣品

.上星期，買咗d籌碼俾牛牛入銀仔，哥哥見到呢隻籌碼係有數字架，好興奮，話係錢，要買嘢喎！

今晚，食完飯、散完步~ 跟住有咩玩呢？
為咗了結恐龍仔多番要求，媽媽就同佢玩買賣！
有乜好買？隨手指住d書，有價錢架~ 每本加個零，一本圖書要$280！
再嚟~ 一本牛仔呢？恐龍仔唔睇就知：50蚊！
係喎~ 咁媽媽要3本啦！
恐龍仔：$150！
咁媽媽俾$200你，要找幾多呀~
恐龍仔第一時間答: $50！

(無諗過咁快！)

咁~ 媽媽想買一隻恐龍喎
恐龍仔：呢隻呀~ 無問題呀！
(交易完成)
媽媽：我仲想買鴨鴨恐龍呀！
恐龍仔：呢隻唔賣架，係非賣品嚟架！
咁緊要？呢隻就係恐龍仔最愛嘅鴨鴨恐龍 (牛牛未出世前送俾哥哥嘅生日禮物)


再嚟~ 媽媽想要一個恐龍仔錫錫喎！
恐龍仔：$580！
媽媽: 唔~ 我得... $520咋喎，爭幾多呀？
恐龍仔：$60囉！ 唔緊要啦，我叫Miffy銀行借俾你啦！

於是，就咁，恐龍媽就借錢得到一個恐龍錫錫喇！

坦白講，唔試過都唔知佢計加減數計得咁快！