開學喇！

恐龍仔開學嘅大日子，由恐龍爸陪太子讀書！

恐龍媽呢個大頭蝦媽媽，唔見咗張通告，只知被編適應班B組，一路以為係10-10:30am上堂，搞到恐龍仔好急咁食早餐趕去，原來，係11點開始！

唉~ 呢個阿媽就係，無鬼用！

話說，恐龍仔有兩個要好嘅女同學，一位同學仔會升A班，另一位(棉棉)媽媽好神秘，傳紙仔唔覆，親子活動唔出現，搞到一路無得對親家！問恐龍仔，呢位女同學升咩班，佢話B班！唉... 媽媽一直好擔心恐龍仔無哂好朋友！

點知，原來棉棉係同恐龍仔一班呀！可惜唔係八掛阿媽去陪太子讀書，所以，又見到親家喇！！！

不過~都好！恐龍仔返到去見到有熟人，可以陪佢一齊玩！咁都無咁慘！

講返老師呀，今年個助教係普通話人，後過去兩年嘅普通話老師，不過，今年嘅普通話老師又另有其人，真離奇~~

不過呢，多個普通話助教就當然好啦！多d機會講普通話嘛！

仔呀~ 媽媽希望你今年俾d心機做功課喇！攞返個優異獎嘛！當然，最重要係繼續好奇！