星期五晚，叫做第一日正式上課 (第一日返一個鐘/家長陪，第二日返兩個鐘/無家長陪)，媽媽返到屋企打開書包仔：嘩！駛唔駛咁多功課呀！
係五樣！其中包括兩個中文字練習！
新奇嘅係，恐龍仔話，佢嗰十個圓圈~ 老師話無問題！但係有好幾個格仔無寫到字！點好呢？
恐龍仔話：老師叫skip架！如果寫咗就會得返兩個印仔，唔寫就3個！
信唔信好呢？
出動FB力量，朋友個朋友個小朋友，今年同恐龍仔一班，於是，問吓佢啦~
朋友媽媽答：阿女話姚老師叫隔一個格仔先啱架！
好~ 你班小朋友，老師你好嘢！以後真係要靠你地自己聽清楚老師講乜喇！
恐龍仔好叻喎~
回覆刪除[版主回覆09/06/2011 08:52:00]佢平時講嘢，都唔知邊句真嘅，呢次搞到我幾唔好意思呀..
哈哈........軒軒都係咁講。但我竟然唔信，因為有格仔無理由唔使寫字架？原來老師話等佢地學隔行寫喎。
回覆刪除[版主回覆09/07/2011 09:04:00]咪係~ 好好地，突然教隔行！尋日嗰份又係咁！