是日早餐: 乳酪粟米片

恐龍媽其實好為食，有人突然諗起~ 乳酪粟米片呢樣嘢，不出所料，恐龍仔好鍾意！

但係~ magic呢家嘢，唔可以日日出，出得多就無效！仲要睇大少當日心情...

但今朝，估唔到，恐龍大少心情好，催咗幾次，已經完成任務，仲食得比媽媽乾淨！

個碗係無粟米片碎架！！！

利害！

而嗰隻17個月大嘅牛牛，佢就換好鞋仔等出門去街街.. 諗吓諗吓，明明已經著好鞋，又去去鞋架攞鞋著！

之後，見到爸爸出房，攞住個袋，佢又去攞！但係實在太重喇，不如換過個輕d架啦..

佢就係咁~ 攞住佢個小袋袋，一路行，一家四口人人有袋攞住，超搞笑！

What a wonderful wonderful day~~~