識聽指令

呢兩日同牛牛沖涼，都同佢講：好喇~ 要起身喇！

佢跟住起身！第一次無在意，但到第二次… 感覺神奇！

今晚，牛牛未瞓之前，我入咗房，佢响廳，我由房叫向走廊另一邊嘅牛牛：爬過嚟媽咪度呀！

佢望住媽媽笑一笑，然後起步爬過嚟！邊爬邊笑！

爸爸即時攞起相機，拍咗video！

牛牛真係爬哂成條走廊 (6米左右啦~) 去到媽媽腳邊！！！

笑住望住媽咪！

sweet baby~~  開始有智慧喇！