家長講座(一)

呢晚係優才家長講座第一講，由陳校長講講資優教育發展。

 

講座準時七時開始，有多達四百多個家長參加，部份父母都到，所以相信學校出咗大約300個conditional
offer + first waiting，中段有餅乾小食及樽裝水供應！真係細心！九時前散場，陳校長預告：應該第三至第四堂開始，會少好多人…（其實呢個真係一個好好嘅方法，測試到家長嘅誠意，但係如果真係打算放棄個位，唔需要搞呢類講座，家長都會寫信去學校退學啦…但好坦白講，我好欣賞學校呢份誠意！可以俾家長更了解學校嘅教育理念，同埋核心人物嘅想法！）

陳校長參與資優教育超過十年，講座內容句括咗IQ test嘅發展史，IQ結果，可以推算到小朋友可以讀書讀到幾高學歷。

陳校長仲一再推介洪蘭嘅作品「教育創造未來」俾在座家長，並一再強調多選擇並非好事，報太多學校，其實係浪費家長時間，同時亦浪費學校資源！（但係，我地唔報咁多間，咁無學校收，又無運行嘅時候，點算喎！）

 

優才提供唔同level嘅分組資優課程，部份係課後班，小組分成IEP (2%) 1-2人，SGP (5%) 4-8人，AGP (10-15%) 8-12人，TC (100%) 12-25人，能力越高嘅小朋友，會得到相對小班的分組資優課程，而top 2%嘅小朋友，更有機會得到個別授課！資源上，呢間學校的確花咗好多時間精神去栽培個別小朋友嘅潛能！

恐龍媽蝦碌報學校

話說，一早打算報某男校，一早記低下載報名表一期！但大頭蝦媽媽竟然忘記咗！要到學校小一講座，有家長講起先上網睇睇~ 噢~過咗期！

但神奇嘅係，學校無將張表格清除，雖然過咗期，但仍經可以下載！

跟住落嚟，就係要print 所需文件，排隊入數，同埋交表！

因為恐龍爸响旺角工作，好多時交表嘅重任就落响佢身上，加上佢話自己去銀行唔駛排隊，咁我嘅責任就係提醒佢去入數啦~

點知~ 2pm收到佢嘅通知，佢唔得閒！

可憐嘅恐龍媽唯有响公司飛的去銀行，再飛的返公司！好在~阿頭唔响office！但係，當去到銀行時，老板個秘書打嚟，老板搵我！！！好好彩嘅係~ 咁啱老板忙緊，到佢再得閒，我已經上咗的士，電話一響就叫司機熄收音機！

平安過渡~

但恐龍爸公司隻鑊好似未搞掂，工作至零晨！雖然學校就响佢公司附近，但係~又要恐龍媽出馬，晨咁早去到排頭位！

想講，學校嘅保安好友善，面帶笑容，好有禮貌！相對之下，校工姨姨就真係…好唔友善！

話說學校將有蓋操場用作排隊之用，放咗好多圍欄，拉咗膠帶，而頭位嘅一邊有d大石，可以坐下。而呢位無聊嘅校工姨姨竟然行埋嚟，移動圍欄，令到大石變成响膠帶之外，咁我點坐呢？！佢係咪玩嘢呀！？

到差唔多9點，校工放咗50個家長上樓，問過應考語言，安排就坐，等等等~ 9:10先開始埋位交表對資料！！

最後，又打的返工！好彩準時到達！

 

報學校，先係浪費地球資源，再嚟就係浪費光音，仲有金錢，手上仲有4份表格要交，其中兩間學校仲要係得一日交表，諗起都覺得辛苦！

牛牛開學喇！！！

學校對N班嘅小朋友，實施漸進式適應週，由家長陪上堂，到家長坐課班一邊睇，然後第4日開始就要出班房，今日第五日，第一次要自己行入學校喇！

 

其實就算有家長陪，有d同學仔都會喊，但恐龍媽就第一日已經响下半場坐開少少 (實在太多人，迫唔到埋去，不如坐開啦！) ，到第二日工人姨姨陪牛牛，佢都無出事，第三日坐開，好多小朋友喊，第四日要出課室喇，小組有十個小朋友，得三個無喊！牛牛真係叻叻！估佢唔到！佢平時好嗲，少少嘢就喊定先架！

 

到今日，第五日喇，首先去送哥哥校車，然後由爸爸帶返學校，然後要自己行入去…

會點呢？哥哥當年都喊咗成個幾星期架！

結果~ 
牛牛無喊！嘩！牛牛真係叻叻喇！希望繼續到啦…

久咳

上個星期，恐龍爸感冒，好快傳染咗俾我，然後牛牛又有兩聲咳，哥哥轉頭又發燒，真係擔心開學點算！呢個適應週對牛牛好重要架嘛！

好喇~好彩兩隻嘢都無乜大礙，返到學喇！

但係我d咳就…唉~

 

之後睇過d中醫學書，我本身體質屬濕熱，最適應我嘅運動係做gym！因為可以响冷氣下流汗嘛！知係知~得始終要返工又要睇住兩隻仔，幾千個籍口！

終於，尋晚去咗睇一個街坊介紹嘅土產後生女醫師，據說，佢爸爸係老醫師嚟架！咁我去試試啦…. 佢竟然叫我做運動！佢話我好濕，做吓運動嘅話，咳都快d好！

咁好啦~今朝立定決心，送咗哥哥上校車就去做gym，仲買埋月票！呢次真係要乖乖地，順個便減番十磅八磅就好喇！

哈哈~

 

不過唔知有幾耐恆心呢…

好書分享：小黃點

每逢星期日，係恐龍媽一拖二嘅大日子，而啱啱過去呢個星期日，牛牛第一次去圖書館！
事前當然講過規矩啦，但當然地，呢d規矩對兩歲幾嘅牛牛毫無意義！一樣大大聲講嘢，入去無幾耐就開始爬窗玩窗簾！

哥哥仲好笑，話唔知睇咩書好！

唉~最後媽媽一日力量就當然搞唔掂兩隻野，隨便攞起幾本書就走！

但~咁都執到好野！

小黃點   (click入去睇睇，有video添架！)
適用年齡: 2-6 歲



點點遊戲派對開始囉～ (copy from 誠品)
一起來玩充滿歡樂與魔力的童書
想知道一本書可以有多好玩，想像力會有多大的力量？快翻開《小黃點》，一起加入這個全世界正熱烈討論，如魔術般的遊戲！
按一下會變多、擦一下會變色、搖一搖還會跑得到處都是……好有趣的一本書，顛覆了傳統童書的概念，作者採用當代全新的創作觀點，把書變成可以和孩子玩互動遊戲。
從小黃點開始，整本書揮灑著魔力，吸引孩子熱烈參與，隨著一頁一頁的互動，書的內容也開始產生奇妙的變化，例如：「擦一擦左邊」，再翻到下一頁，哇！藉由簡單的指令，手指一點就有好多好多色彩繽紛、大大小小的點點，從白白的畫面蹦蹦跳跳的跑出來，色彩雖然很簡單卻很舒服。本書在法蘭克福與波隆納兩大世界書展都引起熱烈討論，目前已有20多種語言版本陸續出版，獲得高度評價。有個德國讀者說：「這本書棒透了！孩子可以學顏色，上下左右的觀念呢」。是的，《小黃點》全然保有書本實在的觸感與溫度！


作者、繪者簡介

赫威．托雷 Herve
Tullet
法國插畫家，曾擔任多家廣告公司的創意總監與一本雜誌的插畫家，於1994年創作了第一本圖畫書後，即致力於圖畫書的創作，對兒童文學有著高度的熱愛。他的圖畫書雖然簡單，但每本都充滿了創意與藝術性。目前與兩個兒子和一個女兒住在巴黎。

首先，係哥哥睇，因為字唔多，佢自己邊睇邊笑，到牛牛睇，佢唔係好跟到，但一樣好鍾意！
呢本書有大小、1至5、左右、上下、列隊、順序等概念，好好

Angry Birds狂熱

恐龍家最近愛上Angry Birds，兩歲多的小人兒看見報張上的圖片，又會嚷著Angry Birds的名字！

因為大超市有印花換公仔活動，順理成章，我們也換了幾隻：首先是兩隻小鬼一人一隻！哥哥要了藍鳥，牛牛要了綠鳥！之後，媽媽要了紅鳥，最後，印花派發的最後一個週末，爸爸要了隻王帝豬！(看~我家的爸爸is the KING!)

 

我隻小鬼看見王帝豬興奮不已，真的一看見就笑！

 

但這麼的一個毛球，還有什麼價值呢？

原來還可以練習拋球和接球！

哈哈~

 

還有，哥哥說，我們現在是一家八口！

暑期適應班後

唔經唔覺，牛牛完成咗兩個星期嘅適應班喇！
班上牛牛嘅表現一般，無喊，但亦唔算太好反應，未係咁適應住！

不過，意外地，佢放學之後竟然唱住學校嘅歌仔！仲要一邊唱一邊跳舞，即係話佢都幾enjoy學校裡面嘅時光啦！

希望牛牛開學後唔好喊太多，仲有~ 快d學識去廁所！