K2家長日

又係家長日嘅大日子！呢日陪爸媽嘅，唔係哥哥，而係牛牛！
媽咪想牛牛去吓哥哥學校，睇吓玩吓嘛！

首先，又係睇卷時間，驚喜嘅係：呢個人仔竟得擦咗d唔靚嘅字，然後再寫過！

成績表呢... 今次其實有d驚喜架！
不過正如上次咁，一眼掃過去，只睇見一個B (中文寫字)，個心就當然覺得... 唉~又係寫字！(其實恐龍爸用咗好多精神幫恐龍仔執功課架喇！)

老師話：都睇得出爸媽對恐龍仔嘅功課係有要求嘅！
老師又再提一班只得4位小朋友會有校長信.. 而呢班考試滿分嘅有7-8個小朋友.. 如果計埋下學期成績，滿分嘅都多過4個人嘅話，就會睇埋其他表現..
恐龍媽當然好緊張恐龍仔上堂情況啦！原來都可以坐定定，唔會考多口，只係有時對眼去咗旅行... 仲有去洗手間排隊永遠係最快嗰幾個！
學校嚟緊會多d教小朋友禮貌，見人要笑，講嘢要望對方對眼等等..
老師仲話，今年K3嘅成績比舊年好呀 (其實舊年真係爭少少..)

作為家長，就當然希望學校嘅畢業生得到各大小學認同啦，但係，受歡迎嘅背後，就係越嚟越多人報呢度幼稚園，恐龍媽真係好驚... 會唔會唔收牛牛架？！
雖然話有哥哥响度，但係今年嘅弟妹都異常多呀！

到媽媽得閒睇真d份成績表..
其實，恐龍仔真係做得好好！已經有進步，只係~仲有進步嘅空間！

台灣網上書店攻略

copy from TW talker

台灣網上書店攻略

有時候，我們在規劃行程時都希望參考多一點旅遊書藉，但可惜在香港能買到的種類都比較少，又或者欠缺一些台北以外旅遊景點的書籍。

有時候，我們會因為行李太多，又或者在書店門市找不到，明明到過台灣，都沒有買到想買的書回來。甚至是回到香港後，那本讓你心儀的書才出版。

如果你有遇過以上的問題，這篇文章就幫到你了。我們會為大家介紹台灣幾間台灣網上書店，因為台港間網上購物運費不算便宜，我們會特別留意在哪裡買書會比較適合香港人。

大家可以看看附表：

網上書店	折扣	運費
博客來網路書店	通常最少有九折	NT$60 (基本) + 書本定價 X 25% 詳情請看網站連結
金石堂網路書店	通常最少有八八折	不同書本數目有不同收費，例：NT$216/1本，$554/5本，$978/10本 詳情請看網站連結
誠品網路書店	通常最少有九折	書本定價 X 50% (最少NT$240) 詳情請看網站連結
搜主義網路複合式書店	通常都有七九折	航空掛號 NT$205 + NT$50/本 水陸掛號 NT$175 + NT$20/本 詳情請看網站連結
新絲路網路書店	通常最少有九折	NT$120 + NT$100/本 詳情請看網站連結

筆者只曾光顧博客來，原因是該次購買的書比較便宜，大部分都是一百至二百元新台幣，由於博客來的基本費低，再加上額外25%對便宜的書價來說不會增加太多運費，所以就選擇了博客來了。此外，如果你是新會員，就能收到NT$20的電子折價券了，這些折價券也很容易在網上找到。每次購物限用一張，因此也能幫補一點運費呢。

筆者對那一次在博客來購書的印像不錯，因為上次訂的書當中，有部分比較冷門，博客來並沒有存貨，大概在下單後兩星期，博客來就先送出其中幾本有存貨的書籍，之後再分兩次送出另外一部分，到最後一本因為出版商也缺貨了，就只好退回費用給我，而當中也有按比例將運費退給我。

如果你想買的書是昂貴或是數目較多的話，那麼相信搜主義也是一個不錯的選擇，因為他們每本的固定額外運費為NT$50或NT$20，只要書價比較貴或數量比較多，就已經能抵消較高昂的基本費用（NT$205或NT$175），更何況搜主義的書本一般折扣較高，單是這一點，相信只要書價稍貴一點就能拉近和博客來基本費的差距。

至於其他幾間，似乎在運費上他們比較輸蝕，而折扣也不比博客來和搜主義優勝，那麼除非他們推出個別推廣活動，否則對香港人來說他們並不吸引。

除了搜主義註明是用郵遞方式寄送，新絲路沒有說明外，其他的網上書店都是使用速遞上門遞送的。此外，你也可以嘗試查詢可否在到台灣旅行前在香港下單，到台灣的便利店取貨。不過首先你要先確定那些網上書店是否接受海外客戶用這種方式取貨（如新絲路就不接受），此外，你也需要跟書店特別安排，因為某些較冷門的書本可能要花較多時間才能出貨，或許需要早點下單，也需要要求書店將所有書本集齊才一次過送出和放在便利店長一點時間等問題，都要跟書店先談好。

因為每個人想買的書都不一樣，所以每個人的選擇可能未必一樣。如果能在香港買到的而不是買很多的話，在香港買應該最便宜。如果想買的書比較便宜的話，博客來會是個較佳的選擇。如果買的書比較貴或比較多的話，搜主義應是較佳的選擇。

刊登日期： 2005-04-17


其實呢編嘢好舊喇！不過恐龍家正預備4月去台灣遊玩，所以，呢d資料可以俾自己參考一下！當然，恐龍家唔會放過嗰幾間專賣童書嘅網店啦！
好似金鼎啦~ http://www.baby-library.com
台灣網上書店
1. 博客來
2. 遠流博識網
3. 小書庫童書網
4. 九歌文學網
5. 大塊文化
6. 金石堂網絡書店


仲有其他架.. 等恐龍媽得閒再update吓！

情人節快樂

小情人近期病咗 (傷風咳呀！)，異常痴身，但好喜歡親親媽咪，一親就好幾啖！
甜死人！
真擔心俾佢傳染到！

忙咗一朝，食完飯入lab做咗d嘢，正打算換衫返過office，有人打入lab揾恐龍媽~
同事答：佢出緊去呀~
對方：咁就得喇！
咁奇怪？！邊個？把聲有d似守門口嗰位同事... 佢嘅聲調話俾我知：唔係公事！

唔通？有人...

過到去，佢枱頭有束花，恐龍媽心諗：唔好表錯情呀！

結果，束花真係送俾恐龍媽架！
個衰公... 咁多年，好似第一次情人算收花咁喎...




放工，去街市買乳鴿加餸氹吓恐龍爸啦~
點知一入街市就俾人撩！檔檔d阿叔阿姐都讚束花好靚，係咪男朋友買架喎~
嘻嘻~



睇真d~又真係好靚呀！

多謝老公！

2011自行收生階段超收小學名單

copy from iantsang's facebook

K2下學期功課

從來未影過恐龍仔嘅功課，因為唔覺得有乜特別，亦都唔係好見得人..
但今日，恐龍媽好想影低今日嘅功課！

今日係K2下學期嘅第二日，有3份功課。
第一份，係寫數複習 (寫咗成個上學期喇！)

第二份係英文：第一次寫句子！仲要自己畫咗恐龍爸個樣！哈哈！

最後，恐龍媽一睇~~有d意外！小一習作？！
睇清楚，係喎~真係小一習作！堂課兩頁，家課兩頁，都係3以下加減數，上學期已經教咗，
分別係：呢本係英文書！仲要係小一嘅英數書！


之前有媽媽分享過SFA嘅課本，比津小深足一年！睇見呢間KG嘅書..
恐龍媽心諗：唔怪之得咁多小朋友會收到SFA嘅offer啦！

最後想講：大家見到佢d字好似好整齊咁，呢d全賴恐龍爸上學期嘅努力督促，加上恐龍仔鍾意寫字，先有今日嘅效果咋！希望會得到老師嘅認同啦！

無激素野雞

呢兩年，自從响點點綠發現無激素嘅春雞，自始恐龍家就無再買過冰鮮雞返屋企食喇！
但係，舊年下半年開始，點點綠唔再賣呢隻Tyson春雞，連大間嘅惠康都無得賣，搞到我地無雞食！

終於有日，俾恐龍媽發現新居附近有間凍肉批發公司有野雞賣，初初都唔係賣tyson架，點知呢次去，竟然又俾恐龍媽見到佢！
之前响點點綠要成$4x 蚊一隻，而呢度仲平好多，只售$35 一隻！

野雞就係無打激素嘅雞，食得健康d，貴少少都抵啦！

第一聲媽咪

牛牛最近講嘢咗咗好多，有時可以發到兩個音節喇！
於是，媽媽好努力咁教佢講唔同嘅嘢...
爸爸生日，牛牛响媽媽嘅幫助下，講到：生~日~快~樂~
而平時每朝，牛牛會講：早~晨~

早兩日，牛牛終於發到"媽~咪~"呢個音喇！
估唔到，好快，尋晚媽媽放工，牛牛識主動叫"媽咪"喇！



牛牛同哥哥一樣，叫唔出媽咪，就連媽媽都唔叫！所以長輩都識叫哂，但係就係唔叫佢阿媽！
終於~ 俾媽媽等到喇！！！